Փաստ ինֆո

ԱՀ նախագահի խորհրդական Դավիթ Բաբայանի գնահատմամբ՝ ծիծաղելի է իր նկատմամբ ադրբեջանցիների հայտարարած հետախուզումը ու համոզված է, որ Ինտերպոլը չի բավարարի նման քաղաքական կողմնորոշում ունեցող հայտը։

«Այստեղ մի շարք հարցեր կան՝ իրավական, քաղաքական և բարոյական տիրույթներում։ Ինչ վերաբերում է հարցի իրավական բնույթին, ապա այսպիսի հետախուզումն ինքնին ծիծաղելի է։ Ըստ էության այն որևէ իրավական հիմք չունի և ես չեմ կարծում, որ ինտերպոլը նման քաղաքական կողմնորոշում ունեցող հայտը կբավարարի, դա անհնարին է,- «Փաստինֆո»-ի հետ զրույցում ասել է ասում է Արցախի նախագահի խորհրդական Դավիթ Բաբայանը։ Հիշեցնենք, որ ԱՀ ՊԲ հրամանատար Ջալալ Հարությունյանին մահացու վիրավորում հասցնելու մասին կեղծ տեղեկություններ տարածելուց հետո ադրբեջանական քարոզչամեքենան հայտարարեց, թե Ջ.Հարությունյանի ու Դ.Բաբայանի նկատմամբ հետախուզում է հայտարարելու մասին

Դառնալով հարցի բարոյական կողմին՝ Դ.Բաբայանի գնահատմամբ, հստակ երևում է պաշտոնական Բաքվի՝ իմ գործունեության նկատմամբ ցուցաբերած քաղաքական գնահատականը։ Այլ կերպ ասած, սա թշնամու կողմից ամենաբարձր գնահատականն է, որ Ադրբեջանը կարող էր տալ, իրենց «շքանշանը» իմ՝ այս տարիների ընթացքում կատարած աշխատանքի վերաբերյալ, այն փոքր լումային, որ ես ներդրել եմ մեր պետականաշինության աշխատանքներում․ Սա, իհարկե, ինձ չի ահաբեկում, ընդհակառակը՝ մարդկային առումով ցույց է տալիս, որ թշնամին բարձր է գնահատում մեր աշխատանքը»։

Անդրադառնալով Թուրքիայից Ադրբեջան տեղափոխված վարձկան ահաբեկիչների թեմային, որոնք, ըստ տարածված լուրերի, արդեն իսկ մեծ խնդիրներ և անհարմարություններ են ստեղծել Ադրբեջան պետության ներսում՝ Դավիթ Բաբայանը նկատեց՝ խնդիրներ Ադրբեջանի ներսում արդեն իսկ կան, որոնք հակառակ կողմն ամեն կերպով փորձում է քողարկված պահել, սակայն, շատ ավելի կարևոր նկատառում կա, որի մասին Արցախի նախագահի խորհրդականը բարձրաձայնեց.«Մենք ակատանես եղանք, որ ադրբեջանական կողմից թիրախավորվել է նույնիսկ Շուշիի մզկիթը։ Շուշիի մզկիթը շիական կառույց է, հետևաբար, այն թիրախավորելու փաստը հստակ պատգամ է՝ ուղղված Իրանին»,- ասում է Դավիթ Բաբայանը։

Հեղինակ՝ Նվարդ Մանվելյան

Աղբյուր` Փաստինֆո