Փաստ ինֆո

Արցախի Հանրապետության նախագահ Արայիկ Հարությունյանը հանդիպել է Արցախի հերոսներ Վլադիմիր Բալայանի և Շահեն Մեղրյանի անվան կամավորական ջոկատների ազատամարտիկներին։ 

Վլադիմիր Բալայանի անվան ջոկատի զորամիավորման 5 հոգանոց խմբին հաջողվել է հերթական անգամ ապացույցն ունենալ, որ կռվում ենք վարձկանների դեմ։ Շահեն Մեղրյանի անվան ջոկատն էլ մի քանի օր պայքարում էր ադրբեջանա-թուրքական ամենաէլիտար հատուկ ստորաբաժանումների դեմ Սղնախ-Ավետարանոց հատվածում։

«Այսօր ուզում եմ մեր այն 5 հոգանոց խմբին պարգևատրել, որ առավոտյան կարողացել են գնալ համարձակության, խախտելով ինձ հետ պայմանավորվածությունը։ Երեկոյան Ալեքսեյ Բալայանը զանգել, ասում էր առաջներս կան վարձկաններից, ուզում ենք գնալ և ապացույց բերել։ Ես արգելել եմ, որ ռիսկի չդիմեին։ Առավոտյան ժամը 7-ին Բալայանը կապ է հաստատում, թե մեկին գերել են, հնարավորություն ունեն մյուսին էլ՝ ես ասացի դա չօգտագործեն, որովհետև իրենց, մեր կյանքն ավելի կարևոր է քան վարձկաններին գերելը»,- ասաց ԱՀ նախագահը։
Արցախի հերոս Վլադիմիր Բալայանի անվան կամավորական ջոկատի կամավոր Ալեքսեյ Վլադիմիրի Բալայանը պարգևատրվեց Մարտական Խաչ առաջին աստիճանով։ Արմեն Յուրայի Բաղունցունցը, Արթուր Լավրենտի Մնացականյանը, Հարութ Էդվարդի խաչատրյանը պարգևատրվեցին Մարտական խաչ երկրորդ խաչ աստիճանով։

Շահեն Մեղրյանի անվան՝ շահումյանցիներից կազմված կամավորական ջոկատի տղաները՝ հրամանատար Ռոլանդ Այդինյանի գլխավորությամբ, Ասկերանի շրջանի Ավետարանոց գյուղի շրջակայքում օրերս մերձամարտ են վարել 22 հոգուց կազմված թուրքական հատուկ նշանակության ջոկատի հետ՝ վերացնելով նրանցից 20-ին: Միայն 2-ին է հաջողվել ճողոպրել:

«Հայոց պատմության այս կարևորագույն շրջափուլում, երբ վտանգված են մեր ժողովրդի անվտանգությունն ու մեր ազգային շահերը, նրանց դերակատարությունն անգնահատելի է, ինչպես և եղել է Վլադիմիր Բալայանի ու Շահեն Մեղրյանի դեպքում: Հայրենի հողի փրկության համար նրանց գործած սխրանքների մասին խոսելու դեռ շատ առիթներ կունենանք, բայց հընթացս պարտավոր ենք հանդիպել, քննարկել իրավիճակը և պարգևատրել»,- ելույթի ժամանակ ասաց ԱՀ Նախագահը։

Աղբյուր` Փաստինֆո