Փաստ ինֆո

«Сегодня. Ру» -ի գլխավոր խմբագիր, ռազմական թղթակից Յուրի Կոտենոկը միանգամայն հնարավոր է համարում, որ ֆոսֆորի պարունակությամբ զինամթերքի մատակարարումն Ուկրաինական հետք ունի։ Ի դեպ, զրուցակիցը կարծում է, որ Ադրբեջանի կողմից Արցախում կիրառվող զինամթերքը «ֆոսֆորային» անվանելը դեռ վաղաժամ է: Այս պահին նրանց ավելի ճիշտ է քիմիական զենքի տարրեր պարունակող բռնկվող զինամթերքներ կոչելը։

«Դոնբասում ես տեսել եմ ֆոսֆորի կողմից մշակված զինամթերքի կիրառման հետեւանքները։ Ուկրաինան դրանք կիրառել է Սլավյանսկում և այլ բնակավայրերում։ Դա սարսափելի է: Թեպետ, դրանք կիրառվում են հենց վախեցնելու նպատակով՝ հակառակ կողմին բարոյալքելու ակնկալիքով», - «Փաստինֆո» - ի հետ զրույցում նշել է ռազմական թղթակիցը։ Նա նաեւ հավելել է, որ իրեն հաջողվել է հանդիպել «ֆոսֆորային» անձրեւներ վերապրած մարդկանց հետ: Եթե նման «անձրեւը» հայտնվի մարդու վրա, ապա մարմինը այրում է մինչև ոսկորը' պատճառելով լուրջ վնասվածքներ: Վնասվում են գրեթե բոլոր օրգանները' սիրտը, լյարդը, երիկամները, մարսողական համակարգը, ոտքերը, մազերը: Ռազմաթղթակիցը կարծում է, որ Արցախում բռնկող զինամթերքի կիրառումը կարելի է կապել Ուկրաինա-Ադրբեջան մատակարարումների հետ։

Ինչպես հայտնի է, հոկտեմբերի 30-ի երեկոյան Ադրբեջանը Արցախի դեմ միջազգային իրավունքի նորմերով արգելված ֆոսֆորային զինամթերք է կիրառել՝ հրկիզելով քաղաքացիական բնակավայրերի հարևանությամբ գտնվող անտառները։ Հայաստանի և Արցախի Մարդու իրավունքների պաշտպանների գրասենյակների հրատապ քննության արդյունքները հաստատեցին այդ փաստը։

Աղբյուր` Փաստինֆո