Փաստ ինֆո

Ալիևը շատ լավ գիտակցում է՝ ինչ է անում, նա խուսափում է բոլոր հանդիպումներից,ձեռք բերված պայմանավորվածություններից: Մի ձեռքով հրադադարի մասին թուղթ է ստորագրում, մյուս ձեռքով՝ հարձակվողական օպերացիա սկսելու մասին հրամանագիր,-«Փաստինֆո»-ի եթերում ասել է միջազգայնագետ Սուրեն Սարգսյանը:

Փորձագետի գնահատմամբ՝ Ալիևը սրանով ոչ միայն խաղում է Մինսկի խմբի համանախագահների, այլ՝ այս երկրների ղեկավարների հեղինակության հետ:

«Ունենք իրավիճակ, որ Ալիևը խաբում է ոչ միայն մեզ, այլ՝ միջազգային հանրությանը և ԵԱՀԿ Մինսկի համանախագահ երկրների ղեկավարներին»,-ասաց Սուրեն Սարգսյանը:
Անդրադառնալով նաև այսօր կայանալիք Ժնևյան հանդիպմանը փորձագետը նշեց, որ Ալիևը միգուցե չուղարկի արտգործնախարարին, կամ ամեն կերպ փորձի ձգձգել հանդիպումը:

«Ամեն ինչ կախված է նրանից, թե ինչ հաջողություններ են գրանցում մեծ զինվորները մարտի դաշում, որովհետև այն, ինչ ֆիքսվում է մարտի դաշտում, դա էլ բանակցվում է:Հիմա դժվար է ասել՝ Ալիևին պետք է իրավիճակը լարել, ձգձգել, թե հակառակը՝ պետք է գնալ և բանակցել:Նույնիսկ ամենաերկարատև պատերազմների ընթացքում, բանակցությունների փորձեր արվում են, եթե կարմիր գծերը անցած չեն: Սակայն մեր դեպքում Ալիևը անցել է բոլոր կարմիր գծերը, դրա համար էլ բանակցությունները տապալվում են:Տեսականորեն պայմանավորվում են ինչ-որ հարցեր, սակայն Ալիևը չի պահպանում դրանք: Ցանկացած պարագայում բանակցություններ պետք են, բայց արդյո՞ք դրանք կլինեն արդյունավետ, դա արդեն հարց է»,-ասաց Սուրեն Սարգսյանը:
Վերջինս նաև նկատեց, որ բացի Սփյուռքի հայրենակիցներից, Հայաստանն ունի նաև Ռուսաստանի աջակցությունը, որի մասին այս փուլում պետք չէ խոսել.

«Դիվանագիտական ճակատում նաև որոշակի օգնություն կա, ոչ միայն Ռուսաստանից, այլև՝ ուրիշ երկրներից: Օրինակ Էրդողանի այն խոսքը, որ ԱՄՆ-ից զանգում են իմ եղբայր Ալիևին և ճնշում գործադրում, որպեսզի Արցախի հարցում գնա ինչ-ինչ զիջումների: Սա խոսում է նրա ամսին, որ,այնուհանդերձ, ճնշումներ կան»,-ասաց փորձագետը:
Սուրեն Սարգսյանը նաև ընդգծեց, որ Թուրքիան և Ադրբեջանը այժմ դարձել են մեկ ազգ-մեկ պետություն, որտեղ Ադրբեջանը իր սուվերենությունը և որոշումներ կայացնելու հնարավորությունը զիջել է Թուրքիային.

«Տպավորություն է,որ Էրդողանը Ալիևին ասել է՝եթե քեզ դրսից զանգեն, ասա թող ինձ զանգեն, ես միջազգային ճնշումները կվերցնեմ ինձ վրա, դու քո առջև դրված խնդիրներն իրականացրու»,-«Փաստինֆո»-ի եթերում ասաց փորձագետը։

Աղբյուր` Փաստինֆո