Փաստ ինֆո

Թուրքիայի նախագահ Ռեջեփ Թայիփ Էրդողանը ցանկանում է բարեկամություն անել Զելենսկու հետ, սակայն թերակղզին չի համարում ոչ ռուսական, ոչ ուկրաինական: Այս մասին գրում է «Իզվեստիա» պարբերականը:

Թուրքիայի նախագահը Ղրիմը չի համարում ոչ ռուսական, ոչ Ուկրաինական։ Ռեջեփ Թայիփ Էրդողանը կարծում է, որ 1783 թվականին Ռուսաստանը անարդարացիորեն խլել է թերակղզին Օսմանյան կայսրությունից, և այդ հողը պետք է վերադարձվի ժամանակակից Թուրքիային։ Նման խոսքեր, իբր, հնչել են Ուկրաինայի նախագահ Վլադիմիր Զելենսկու՝ Ստամբուլ այցից եւ հաղորդագրություններից հետո առ այն, որ Կիեւը շահագրգռված է թուրքական անօդաչուների լրացուցիչ խմբաքանակ գնելու մեջ: Այն մասին, թե արդյոք Անկարան Ղրիմի վերաբերյալ հավակնություններ ունի, և ինչպես է Էրդողանը կառուցում իր հարաբերություններն Ուկրաինայի հետ՝ «Իզվեստիա» — ի նյութում։

Նման լրատվական գրառումներ են հայտնվել Ուկրաինայի նախագահ Վլադիմիր Զելենսկու՝ Թուրքիա այցից հետո և անմիջապես մեծ աղմուկ են բարձրացրել ռուսական ԶԼՄ-ներում։ Թեպետ այդ խոսքերի ոչ մի հաստատում ոչ մի տեղ չի եղել, պարբերականի ուղղակի մեջբերումները նույնպես չեն բերում։

Այնուամենայնիվ, այն բանին, որ թուրք առաջնորդը կարող էր նման բան ասել, հաճույքով հավատացին։ Բանն այն է, որ Ղրիմի հաջող և արագ միացումը Ռուսաստանին շատ է վրդովվեցրել Անկարային։ Թուրքիան միանգամից հայտարարել է, որ կողմ է Ուկրաինայի տարածքային ամբողջականությանը և «թերակղզու բռնակցումը երբեք չի ճանաչի»։ Դրանից հետո ղրիմա-թաթարական առաջնորդները հաճախ են սկսել այցելել Թուրքիա։ Այնտեղ նրանք մասնակցել են զանգվածային հակառուսական հանրահավաքներին, ինչպես նաեւ տարբեր պարգեւներ են ստացել, այդ թվում՝ կառավարական։ Թուրքական իշխանությունները հատուկ խաղադրույքը կատարել են՝ Ռուսաստանում արգելված «Ղրիմի թաթարների մեջլիս» ծայրահեղական կազմակերպության առաջնորդ Մուստաֆա Ջեմիլևի վրա, որին երկրում նույնիսկ անվանում են Kırımoğlu՝ Ղրիմի որդի։

Անկարան սկսել է ակտիվորեն ստեղծել թուրքական ոչ առևտրային կազմակերպություններ Ղրիմի տարածքում։ Սակայն Թուրքիային՝ Ղրիմի թաթարների համար, ձգողականության կենտրոն դարձնել իշխանություններին այդպես էլ չհաջողվեց։ Ամեն դեպքում, Անկարան մտադիր չէ թողնել իր փորձերը. Ռուսաստանի հետ Ղրիմի վերամիավորումից հետո թուրքական իշխանություններն անմիջապես հասկացրեցին, որ նախկինի պես կփորձեն ուժեղացնել յուր ազդեցությունը թերակղզում՝ թյուրքական բնակչության գրագետ ներգրավման հաշվին։

 Վերջերս Զելենսկու հետ հանդիպման ժամանակ Էրդողանը, ավանդույթի համաձայն, հայտարարել է Ուկրաինայի տարածքային ամբողջականությանը աջակցելու եւ «Ղրիմի անեքսիան չընդունելու» մասին: Թերակղզու կարգավիճակի վերաբերյալ դիրքորոշումը միավորում է Կիևին ու Անկարային։ «Թուրքիան կշարունակի աջակցել Ուկրաինայի տարածքային ամբողջականությանը, ներառյալ Ղրիմը, ինչպես նաեւ երկրի քաղաքական միասնությանը», — հայտնել է Թուրքիայի նախագահը: Նրա խոսքով՝ Զելենսկու Ստամբուլ կատարած այցի արդյունքներով կողմերը մի շարք կարեւոր համաձայնագրեր են ստորագրել։ Մասնավորապես, պետություններն ամրապնդել են կապերը շատ ոլորտներում, այդ թվում՝ արդյունաբերության, առողջապահության և զբոսաշրջության ոլորտներում։ Կիեւը եւ Անկարան մտադիր են երկկողմ առեւտրի ծավալը հասցնել 10 մլրդ դոլարի։

Կողմերը նաեւ պայմանավորվել են ստեղծել «Ղրիմի հարթակ»՝ միջազգային դաշինք, որը, ինչպես կարծում են Կիեւում, կարող է օգնել վերադարձնել Ղրիմը: «Եվ մենք հույս ունենք, որ Թուրքիան լուրջ դերակատարություն կունենա այդ հարցում։ Ի վերջո, միթե կարելի՞ է որևէ բան լուծել մեր տարածաշրջանում առանց Թուրքիայի: Իհարկե, ոչ», - հայտարարել է Զելենսկին թուրքական Demirören լրատվական գործակալությանը տված հարցազրույցում։

Աղբյուր` Փաստինֆո