Փաստ ինֆո

Սեպտեմբերի 28-ին տվյալներ են ձեռք բերվել այլ երկրներից բերված իսլամիստ գրոհայինների առկայության և ռազմական գործողություններում ներգրավվածության վերաբերյալ։ Տվյալներ կան նաև ՊԲ պահպանության գոտու լեռնային հատվածում արաբալեզու զինյալների առկայության մասին, որոնք ընդգրկված են եղել դիվերսիոն ներթափանցման խնդիրների իրականացմանը, իսկ վերջիններիս տեղաշարժն իրականացվել է թուրքական արտադրության թեթև զրահամեքենաներով։ Այս մասին ասուլիսին ասել է ՀՀ ՔԿ քրեագիտական վարչության պետ Ռաֆայել Վարդանյանը։ 

Նրա փոխանցմամբ՝ նույն օրը ԱՀ և ԻԻՀ սահմանամերձ գոտիներում նկատվել են Սիրիայից տեղափոխված գրոհայինների խմբեր, որոնք տեղակայված են եղել Հորադիզի մոտակայքում, սեպտեմբերի 29-ին հաստատվել է արաբալեզու առնվազն 300 գրոհայինների մասնակցությունն արևելյան օպերացիոն ուղղությամբ ընթացող գործողություններին։

Վարդանյանն ընդգծեց, որ վերջիններս գործել են անկախ, առանձնացված խմբերով, առանձին խնդիրներով և ապահովել են Ադրբեջանի ԶՈՒ ստորաբաժանումների գործողությունները, ստացվել են նաև ևս 800 գրոհայինների տեղափոխում Սիրիայից Ադրբեջան։ Բացի այդ՝ արևելյան օպերացիոն ուղղությամբ ընթացող մարտական գործողությունների ընթացքում արդեն իսկ սպանվել են 2 գրոհայիններ։ Վարդանյանի փոխանցմամբ՝ հոկտեմբերի 1-ին հաստատվել է թուրքմեն գրոհայինների մասնակցությունն արևելյան օպերացիոն ուղղությամբ ընթացող մարտական գործողություններին, վերջիններիս ներգրավվածությունն արձանագրվել է Արաքսի հովտում՝ սեպտեմբերի 30-ից հոկտեմբերի 3-ն ընթացող մարտական գործողություններում, ինչի արդյունքում վիրավորում է ստացել առնվազն 2 գրոհայիններ։

Բացի դա՝ հոկտեմբերի 2-ին պարզվել է, որ ներգրավված են նաև պակիստանցի վարձկաններ, հոկտեմբերի 4-ին Գյանջայում են գտնվել Թուրքիայի ԶՈՒ հատուկ նշանակության ստորաբաժանումների առնվազն 300 զինծառայողներ, որոնք հավանաբար նախապատրաստվել են արևելյան և հյուսիս-արևելյան օպերացիոն ուղղությամբ հատուկ գործողություններ իրականացնելուն։ Հոկտեմբերի 4-ին մարտական գործողություններին ընդգրկված սիրիացի զինյալները քողարկվելու նպատակով հագնվելլ են Ադրբեջանի սահմանապահ զորքերի համազգեստով և նույն օրը Թուրքիայից Ադրբեջան են ժամանել նաև Թուրքիայի ԶՈՒ 400 զինծառայողներ՝ քաղաքացիական հագուստով։

Աղբյուր` Փաստինֆո