Փաստ ինֆո

ՀՀ Պաշտպանության նախարարությունն առաջարկում է օրենսդրորեն ամրագրել «աշխարհազոր» եզրույթը, որոնք ղեկավարվելու են ՏԻՄ-երի ղեկավարների տեղակալների կողմից։

«Պաշտպանության մասին» օրենքում լրացումներ կատարելու մասին և կից ներկայացված օրենքների փաթեթը, որով օրենսդրորեն սահմանվում է աշխարհազոր եզրույթը: Այն գործելու է տարածքային սկզբունքով և ըստ վարչատարածքային բաժանման, բաղկացած է լինելու զորամիավորումներից, դրանց ենթակա բրիգադներից և գումարտակներից»,- ԱԺ-ում հայտարարել է ՀՀ ՊՆ փոխնախարար Գ. Բալայանը, որն ԱԺ արտահերթ նիստում ներկայացնում էր օրինագիծը։

Աշխարհազորի ընդհանուր ղեկավարումը իրականացվելու է ԶՈՒ գլխավոր շտաբի պետի կողմից՝ աշխարհազորային շտաբի միջոցով.

«Աշխարհազորային զորամիավորման ղեկավար է հանդիսանալու համապատասխան տարածքային կառավարման մարմնի ղեկավարի տեղակալը, իսկ Երևանում՝ քաղաքապետի տեղակալը:Աշխարհազորային բրիգադի ղեկավար-հրամանատար է հանդիսանալու քաղաքային բնակավայրն ընգրկող միավորված համայնքների ղեկավարի տեղակալը, իսկ Երևան քաղաքի վարչական շրջանում վարչական շրջանի ղեկավարի տեղակալը: Աշխարհազորային գումարտակի ղեկավար է հանդիսանալու գյուղական բնակավայրեր ներառող չմիավորված համայնքի ղեկավարի տեղակալը կամ վարչական ղեկավարի տեղակալը»,-ասաց ՊՆ տեղակալը:

Վերջինս նաև նշեց, որ աշխարհազորային համալրումը տարածքային սկզբունքով իրականացնելու են ՊՆ-ի զորակոչային և զորահավաքային համալրման ստորաբաժանումները՝ պատերազմի հաստիքներին չկցագրված քաղաքացիներից:

«Աշխարհազորայինի հետ կնքվում է պայմանագիր, ամրակցվում է զենք, հատկացվում է զինվորական համազգեստ և ղեկավարի հրամանով նշանակվում է համապատասխան պաշտոնի»,-ասաց ՊՆ փոխնախարարը:

Նա նաև ընդգծեց, որ աշխարհազորը լինելու է բացառապես կամավորության սկզբունքով, կարող են ընդգրկվել պահեստազորում հաշվառված, սակայն կցագրում չունեցող քաղաքացիները:

Աղբյուր` Փաստինֆո