Փաստ ինֆո

«Եթե աշխարհազորում ընդգրկվելու են այն մարդիկ, որոնք զորակոչի ենթակա չեն, այսինքն, աշխատանքի բերումով չեն զորակոչվում, միգուցե մենք համապատասխան օրենքում փոփոխությո՞ւն կատարենք, որպեսզի վերացնենք այն օրենքը, որով նրանք ազատված են զորակոչից,- այսօր ասել է «Իմ քայլը» խմբակցության պատգամավոր Հովիկ Աղազարյանը։

Հիշեցնենք՝ ԱԺ-ն այսօր արտահերթ նիստում քննարկել է «Պաշտպանության մասին» օրենքում լրացումներ կատարելու մասին կառավարության կողմից ներկայացված օրենսդրական փաթեթը, որով օրենսդրորեն սահմանվում է աշխարհազոր եզրույթը, ըստ որի աշխարհազորը ձեւավորվելու է կամավորության սկզբունքով, իսկ ստորաբաժանման ղեկավարը լինելու համապատասխան ՏԻՄ-ի ղեկավարի տեղակալը։

«Մեր զինված ուժերի ղեկավարությունը, հաշվի առնելով այդ հանգամանքը, ինչպես նաև՝ այդ քաղաքացիների ֆիզիկական, մտավոր, ռազմական ունակությունները, ըստ այդմ, զորակոչ կատարելով, կարող է համալրել մեր զինված ուժերի շարքերը։ Այսօր ինձ համար, մի տեսակ այնքան էլ հասկանալի չէ, թե համայնքային սկզբունքով կազմված աշխարհազորը ի՞նչ արդյունք կարող է տալ։ Ենթադրենք, թե մի համայնքում ապրում են բոլոր նրանք, ովքեր ռազմական փորձով հրետանավորներ են, մյուս համայնքում՝ բոլոր նրանք, ովքեր հետախույզներ են, հաջորդում՝ միայն հրաձիգները։ Ինչպե՞ս ենք մենք համատեղելու այս ամենը, իսկ զորակոչի միջոցով դա կարելի էր իրականացնել»,-աշխարհազորի վերաբերյալ օրենքում փոփոխություններ կատարելու քննարկման ընթացքում դիրքորոշում է հայտնում Հովիկ Աղազարյանը։

Մանրամասները՝ տեսանյութում

Աղբյուր` Փաստինֆո