Փաստ ինֆո

«Ստեղծվել է այնպիսի մի իրավիճակ, երբ շատ դժվար կամ գրեթե անհնար է դարձել կանխատեսել Թուրքիայի նախագահի հաջորդ քայլը։ Հատկապես վերջին շրջանում Էրդողանը գերագրեսիվ է դարձել։ Իմ կարծիքով՝ սա բացատրվում է նախապես պլանավորած բլից կրիգի տապալմամբ,- հայտարարել է պատմաբան Արմեն Մարուքյանը, վերլուծելով Էրդողանի կողմից Ֆրանսիայի նախագահի հասցեին հնչեցրած վիրավորական ելույթն ու ԱՄՆ-ին ուղղված սպառնալից հայտարարությունները։

«Կրտսեր եղբորն օգնելու Թուրքիայի ներդրած բոլոր ջանքերը, կարծես, անպտուղ են մնացել։ Տրամադրելով ադրբեջանական կողմին իր ռազմաօդային ուժերը՝ «Բայրաքթար» կոչվող անօդաչու թռչող սարքերը, որոնք արդեն, ըստ էության, Արցախի երկնքում այլևս չկան, ավելին՝ թշնամու օդային գերակայությունն այլևս ավարտված է, նույնիսկ ահաբեկիչների բանակներ ներգրավելով, Թուրքիան, ըստ էության, միջազգային մակարդակում խայտառակվելով անգամ չկարողացավ ստանալ այն արդյունքը, որ նախապես պլանավորել էր Ադրբեջանի հետ։

Թշնամին ձախողեց նաև Լաչինը կտրելու փորձը, այլ կերպ ասած, ակնհայտ է, որ պատերազմը չի ընթանում այն սցենարով, որը թուրք – ադրբեջանական կողմն էր նախապես պլանավորել»,- նշել է պատմաբանը։ Նրա դիտարկմամբ՝ մարտադաշտում Ալիևը կամ իր գլխավոր շտաբը չէ, որ ղեկավարում կամ ուղղորդում են մարտական գործողությունները։ Այդ ողջ աշխատանքը Թուրքիայի բարձրաստիճան ռազմական ղեկավարների ձեռքում է կենտրոնացած և այն վիրավորանքները, որ Էրդողանի կողմից հնչեցվում են այս կամ այն պետության կամ ղեկավարի հասցեին, ըստ էության, պարտվողական վարքի վառ դրսևորումներ են»,- ասել է պատմաբանը։

Աղբյուր` Փաստինֆո