Փաստ ինֆո

«Ռուս լրագրող Յուրի Կոտենոկը երեկ ոտնաթաթի բարդ միկրո վիրահատություն է ունեցել։ Վիրահատությունն անցել է բարեհաջող, լրագրողն այս պահին հիվանդասենյակում է, ինքնազգացողությունը գնահատվում է լավ»,- այս մասին քիչ առաջ «Փաստինֆո» լրատվականին հայտնեց Էրեբունի ԲԿ-ի մամուլի խոսնակ Շուշան Հունանյանը։

Հիշեցնենք, որ Շուշշի Սբ. Ղազանչեցոց վանքի երկրորդ ռմբակոծության արդյունում ՝ հոկտեմբերի 8-ին տարբեր աստիճանի մարմնական վնասվածքներ  էին ստացել 3 ռուս լրագրող, որոնցից մեկի՝ Յուրի Պետրովիչ Կատենոկի վիճակը գնահատվում էր ծայրահեղ ծանր։ Լրագրողն առաջին վիրահատությանը ենթարկվել էր Ստեփանակերտի հոսպիտալում, որից հետո նրան տեղափոխել էին Երևանի Էրեբունի ԲԿ, որտեղ մինչ օրս բուժում է ստանում լրագրողը։

 Ռուս լրագրող Յուրի Կոտենոկի մարտական ընկերը ՝ ռազմական փորձագետ Ալեքսանդր Ժիլինն  այս թեմայով իր ֆեսբուքյան էջում այսպիսի գրառում է արել. 

«Քիչ առաջ տեսակապով խոսեցի իմ մարտական ընկերոջ՝ ռազմական թղթակից Յուրի Կոտենոկի հետ, որն այժմ գտնվում է Երևանի հիվանդանոցներից մեկում։  Այսօր հայ հիանալի նյարդավիրաբույժները բարդ վիրահատություն են կատարել և փրկել Յուրիի ոտքը։ Ես  խոնարհում  եմ նրանց բոլորի առջև»: 

«Փառք Աստծո, որ ընկերս մնաց Երեւանում, որտեղ նրան շրջապատել են   եղբայրական խնամքով և բարձրակարգ մասնագիտական օգնություն են ցուցաբերում։

Պարզվել են ադրբեջանական զինուժի կողմից Ղազանչեցոց եկեղեցու վրա հարձակման մանրամասները, որտեղ այդ պահին գտնվել են  Յուրան, նրա օպերատորը և մեկ այլ ռուս լրագրող: Երեքն էլ ունեցել են ռուսական օպերատորների SIM քարտեր: Ագրեսորը մի վայրում նկատել է  երեք ռուսական  համարանիշ և անմիջապես ուղարկել  իսրայելական հարվածային անօդաչու թռչող սարք:

Այսինքն ՝ նրանք դիտավորյալ հարվածել են  ռուս բաժանորդներին: Արկը պայթել է Յուրայի կողքին,  ինչի պատճառով էլ նա   ծանր վիրավորվել է: Նրան ավերակների տակից դուրս են հանել և հայ մի ընկեր տարել իրենց տուն :

Ահա թե ինչ ասաց ինձ Յուրան զրույցի վերջում.

- «Ես արդեն պատասխանել եմ հայկական լրատվամիջոցների այն հարցին, թե ինչու եմ ես հայտնվել ղարաբաղյան պատերազմի այս կողմում: Բոլոր ընկերների համար կրկնում եմ, ռուս սպան չի կարող լինել այլ կողմում, բացի այն կողմից, որին սպանում են, եթե նա ռուս սպա է: Այդպես է դաստիարակված: Վերջակետ»:

«Իսկ ես ստորագրում եմ այդ խոսքերի տակ»,-գրել է   ռուս ռազմական փորձագետ Ալեքսանդր Ժիլինը։ 

Աղբյուր` Փաստինֆո