Փաստ ինֆո

«Որպես օպերատիվ ստրատեգիական գծով պատրաստված զինվորական, ես գիտեմ պատերազմի բոլոր կանոնները և պետք է ասեմ, որ այս պատերազմում կատարվել են պատերազմական բոլորովին նոր ռազմաստրատեգիական լուծումների և միջոցառումների գործողություններ, այլ կերպ ասած՝ ժամանակակից 5-րդ սերնդի պատերազմի խնդիրները լուծելու համար»,- այս մասին այսօր հրավիրած մամուլի ասուլիսին ասել է «Արծիվ մահապարտների միություն» ՀԿ ղեկավար, գեներալ-մայոր Աստվածատուր Պետրոսյանը։

Ըստ նրա՝ եթե սկզբում մտածում էինք, որ անօդաչու թռչող սարքերը պետք է լուծեն մեկ – երկու խնդիր՝ նկարելով տարածքը և հեռակառավարման վահանակով աշխատող մի քանի հրթիռներ գցեն, այսօր հասկացանք, որ միանալով ադրբեջանցիներին թուրքական բանակը՝ իր կորպուսային ողջ ղեկավար կազմով, սկսած պաշտպանության նախարարից, կռվում է մեր Պաշտպանության նախարարության և գլխավոր շտաբի դեմ։

«Ադրբեջանական կողմի պատերազմի ղեկավարումն այսօր ամբողջովին դրված է թուրքական կողմի վրա, որն այսօր ունի 1.5մլն. զորք և որը միայն հայ – թուրքական սահմանի վրա ունի շատ բարձր տեխնոլոգիաներով զինված երեք կանոնավոր բանակ։ Սա մեր ուժերին 10 անգամ գերազանցող տանկային և օդային ստորաբաժանումներով ՀՕՊ ուժերով զինված բանակ է։ Այսքանով հանդերձ, եթե մեր կողմից կա հակահարված, մեր բոլոր հաշվարկներով նրանց զինտեխնիկան արդեն իսկ պետք է որ սպառված լիներ։ Ի տարբերություն սրա՝ մեր զորականները թե՛ իրենց կրթությամբ, թե՛ իրենց սիրով, թե հայրենասիրությամբ զինված կարողացել են հետ մղել թշնամուն և տասնյակ անգամ մեծ վնասներ հասցնել նրանց բանակին, որոնց մասին մենք դեռ հետագայում, պատերազմի ավարտին կիմանանք»,- նշել է Ա.Պետրոսյանը։

Աղբյուր` Փաստինֆո