Փաստ ինֆո

Պետդումայի՝ ԱՊՀ հարցերով կոմիտեի առաջին տեղակալ, պատգամավոր Կոնստանտին Զատուլինը НСН - ին տված հարցազրույցում թվարկել է Լեռնային Ղարաբաղում իրավիճակի զարգացմանը զուգընթաց՝ Ռուսաստանի արձագանքի տարբերակները:

ՌԻԱ Նովոստիի հաղորդմամբ՝ Զատուլինը գտնում է, որ հենց Ադրբեջանն ու Թուրքիան են խախտել տարածաշրջանում խաղաղությունը ՝ ռազմական ռևանշի հասնելու ակնկալիքով, ուստի, նրանց հարկ է հիշեցնել, թե որ պետությունն է առաջատար երկիրը՝ հետխորհրդային տարածքում: Պատգամավորը խոստովանել է, որ ինքը վստահաբար չի կարող ասել, թե ինչ կոնկրետ գործողությունների կդիմի Մոսկվան, միաժամանակ՝ այս համատեքստում նշելով առաջարկվող մի շարք տարբերակներ, ընդհուպ՝ Հայաստանում դեսանտային գործողություն իրականացնելը:

Գործողությունների շրջանակում նա որպես հնարավոր տարբերակներ թվարկել է և՛«Հայաստանի ռազմական ներուժի ցուցադրական ամրապնդումը, և՛ ՀԱՊԿ-ին դիմելու ձևով` ոչ թե ԼՂՀ, այլ՝ ՀՀ տարածքը պաշտպանելու միջոցներ ձեռնարկելու անհրաժեշտությամբ պայմանավորված՝ դեսանտային գործողության իրականացումը, ի վերջո, Վրաստանի օդային շրջափակումը բացելու եղանակը: Նրա խոսքով՝ «Մենք պետք է հստակ բացատրենք Վրաստանին, որ հարկ եղած դեպքում վերջինս պետք է հանգիստ ընդունի, որ անհրաժեշտ ուժերն ու միջոցները պիտի կուղարկվեն Հայաստան՝ իր օդային տարածքով: Սա պարտադրված որոշում է, քանի որ մենք խոսում ենք ամբողջ Կովկասով մեկ գրոհայինների տարածման մասին, որից կտուժեն և՛ Ռուսաստանը, և՛ Վրաստանը և՛ մնացած բոլորը:

Հայ ժողովրդին, հայկական ազգաբնակչությանը մեծ վտանգ է սպառնում, որը պատմականորեն կրում է, - այս տարածաշրջանում տեղի ունեցած ցեղասպանության հիշողությունը: Մենք պետք է միջոցներ ձեռնարկենք », - ասել է Զատուլինը:

Բացի այդ, պատգամավորը համաձայնել է ՀՀ վարչապետ Նիկոլ Փաշինյանի այն կարծիքին, որ հակամարտությունը չունի դիվանագիտական լուծում՝Ադրբեջանի գործողությունների պատճառով։ Պառլամենտականը նաեւ ցավով արձանագրել է, որ բանակցային գործընթացը փաստացի տեղից չի շարժվում՝ չնայած Ռուսաստանի կողմից գործադրվող ջանքերին։

Աղբյուր` Փաստինֆո