Փաստ ինֆո

Արցախի տեղեկատվական շտաբը տեսանյութ է հրապարակել, որում Արցախի թեմի առաջնորդ Պարգև սրբազանը խոսում է Ստեփանակերտում տեղի ունեցողի վերաբերյալ։

Սրբազանը կարևորում է այս օրերին անդադար հնչող աղոթքի կարևորությունը. «Աղոթքն, ընդհանրապես, կարևոր նշանակություն ունի, ինչպես սնունդը մարմնի համար, աղոթքն էլ՝ սնունդ է հոգու համար։ Եկեղեցում ամեն օր ժամերգություններ են կատարվում՝ գիշերային, առավոտյան երեկոյան, բայց, քանի որ մեզ մոտ պատերազմական վիճակ է, մենք հիմա բոլոր ժամերգություններն ենք անում։ Հսկողություն ենք սահմանում՝ ինչպես զինվորն իր դիրքերն է հսկում, մենք էլ մեր հոգևոր դիրքերն ենք հսկում։

Բոլոր արարողությունները երկու - երեք ժամը մեկ՝ անդադար կատարում ենք, որպեսզի մեր հոգևոր աղոթքներով զորացնենք մեր բանակը, մեր հայրենիքը և մեր ժողովուրդը, որպեսզի հոգևոր դաշտը փորձենք ավելի անվտանգ դարձնել։ Մեր զինվորներն ու սպաներն, իրոք, մեծ հերոսներ են։ Դաժանագույն պատերազմ է՝ հրետակոծում են վերևից, առավոտից իրիկուն խփում են, բայց տղաները երկաթի պես կանգնած են»,- ասում է Սրբազանը։

Աղբյուր` Փաստինֆո