Փաստ ինֆո

Ադրբեջանական զինված ուժերը դիվերսիոն խմբավորումները, փոքր խմբերը հաճախ թափանցում են հիմնականում մերձռազմաճակատային բնակավայրեր, որոնք ընդհանրապես շատ վաղուց բնակեցված չեն լինում, այնտեղ նկարահանվում են, տարածում են այդ լուրերը, ինչն առաջին հերթին նախատեսված է սեփական հանրությանը կերակրելու համար, բայց շատ հաճախ ազդում է մեր հանրության վրա։ Այսօր նման հայտարարությամբ է հանդես եկել ՀՀ ՊՆ ներկայացուցիչ Արծրուն Հովհաննիսյանը։

«Ուզում եմ հստակ շեշտել, որ մարտական գործողություններն ունեն հստակ մարտավարություն և մեր հրամանատարությունը սա շատ լավ պատկերացնում է: Կուզենայի այս մարտավարության մասին մի քանի բառով նշել, որպեսզի մեր փորձագիտական, լրատվական և որոշ այլ շրջանակներում իրավիճակն ավելի պարզ լինի,- այս մասին այսօր տեղի ունեցած ճեպազրույցում ասել է ՊՆ ներկայացուցիչ Արծրուն Հովհաննիսյանն այսօր տեղի ունեցող ասուլիսի ընթացքում և հավելում, - ադրբեջանական զինված ուժերի դիվերսիոն փոքր խմբերը  հաճախ թափանցում են հիմնականում  մերձռազմաճակատային բնակավայրեր, որոնք շատ դեպքերում ընդհանրապես բնակեցված չեն էլ լինում , ապատեղեկատվություններ են տարածում, որն առաջին հերթին ազդում է և նախատեսված է սեփական հանրությանը կերակրելու համար, որոնք նաև շատ հաճախ, ցավալիորեն ազդում են նաև մեր հանրության վրա և լրատվադաշտում:

Կան բնակավայրեր, որոնք շատ վաղուց համարվել են ադրբեջանական զինված ուժերի կողմից արդեն գրավված, նույնիսկ շատ ու շատ քարտեզներում և համացանցում համարվում են իրենց զինված ուժերի վերահսկողության տակ, բայց մինչև այսօր այդ տեղերում չկա իրենց վերահսկողությունը: Քիչ թե շատ ստորաբաժանման նմանություն ունեցող   այդ զորախմբերը ջախջախվում են հիմնականում հեռահար կրակով կամ մեր ստորաբաժանումների այլ գործողություններով: Ես բոլորին խնդրում և հորդորում եմ նման լուրերը մեր դաշտ չբերել,  չքննարկել դրանք և հատկապես նման լուրերի առկայությունը չտարածել համապատասխան դաշտերում և այլն: Իրավիճակը կայուն է, վերահսկելի է,  իսկ դիվերսիոն որոշ կուտակումներ դեռ չեն նշանակում  զորքերի առաջխաղացում կամ հաջողություն»,- նշել է Արծրուն Հովհաննիսյանը:

Ըստ նրա՝ այս մարտավարությունը բնորոշ է ահաբեկչական խմբավորումներին, որին էլ հետեւում է Ադրբեջանը։ Ա. Հովհաննիսյանը վստահեցրեց՝ բոլոր այն դեպքերում, եթե  կփորձեն նկարվելուց զատ այլ բան ստանալ հայկական բնակավայրերում՝ իրենց համար դժոխք է լինելու։

Աղբյուր` Փաստինֆո