Փաստ ինֆո

«Հայաստանը ԼՂ հակամարտության մեջ սիրիացի գրոհայինների մասնակցության հարցով պետք է պաշտոնապես դիմի Ռուսաստանին՝ տարածաշրջանում ռուսական կողմի հակաահաբեկչական գործողությունների անցկացման համար»: Նման հայտարարությամբ է հանդես եկել ՌԴ Դաշնային խորհրդի միջազգային հարցերի հանձնաժողովի ղեկավար Կոնստանտին Կոսաչովը՝ անդրադառնալով նախօրեին ՀՀ վարչապետ Նիկոլ Փաշինյանի ՏԱՍՍ-ին տված հարցազրույցում հնչեցրած դիտարկմանը, թե ՝ ԼՂՀ-ում տեղի ունեցող ռազմական գործողություններին սիրիացի գրոհայինների մասնակցությունը ՌԴ-ին հիմքեր տալիս է տարածաշրջանում հակաահաբեկչական գործողությունների անցկացման համար, ըստ էության, պաշտոնական հայտարարություն է արել: 

Ըստ Կոնստանտին Կոսաչովի՝ «Ռուսաստանը չի կարող խնդրո առարկա տարածաշրջանում հակաահաբեկչական որևէ գործողություն սկսել առանց Երևանի պաշտոնական դիմումի՝ իրավիճակի մանրակրկիտ գնահատականով հանդերձ»:

Ռուսական կողմը առավել հստակեցնում է հարցը՝ «Պետք է գնահատվեն վստահելիությունը, վտանգն ու ռիսկերը, որոնք այդ համատեքստում առաջանում են: Բնականաբար, դրան պիտի հաջորդի Հայաստանի պաշտոնական դիմումը, այլ ոչ թե՝ եզրակացությունն առ այն, թե՝ Ռուսաստանը հիմքեր ունի»,- Eadaily. ru-ի փոխանցմամբ ասել է Կոնստանտին Կոսաչովը՝ հավելելով, որ այդ առումով դեռ վաղ է կանխատեսումներ անելը:

Լրատվամիջոցը մեջբերել է նաև ՀՀ վարչապետի՝ վերը նշված հարցազրույցի այն հատվածը, որտեղ նա համեմատական դիտարկումներ է անում ՌԴ կողմից Սիրիայում իրականացված հակաահաբեկչական գործողությունների վերաբերյալ, նշելով.

«ՌԴ-ն իրականացնում էր հակաահաբեկչական գործողություններ Սիրիայում, որ թեպետ Ռուսաստանից բավականին հեռու է, սակայն, սիրիական տեռորիստների գործողություններն անմիջական վտանգ էին ներկայացնում ՌԴ ազգային անվտանգությանը՝ ընդգծելով, որ տվյալ դեպքում, այսինքն՝ ԼՂՀ պարագայում սիրիացի ահաբեկիչները Ռուսաստանի սահմաններից 80 կիլոմետր են այս կողմ / ըստ ՌԴ փորձագետների/:

Աղբյուր` Փաստինֆո