Փաստ ինֆո

Թալիշ ակտիվիստ Ռաշադ Լիկիջը Talyshistan Times թերթում «Թալիշ ժողովրդի ողբերգությունը» վերտառությամբ հոդվածում անդրադարձել է Լեռնային Ղարաբաղում պատերազմելու համար Ադրբեջանի կողմից իրենց ժողովրդի զավակներին հավաքագրելու և նրանց առաջնագիծ տանելու մասին:

«Մենք՝ թալիշներս, մեր հազարամյա պատմության ընթացքում բազմաթիվ անգամ հալածանքների ենք ենթարկվել։ Մեր երկիրը ոտնահարում էր Ալեքսանդր Մակեդոնացու և արաբների, սելջուկիների և Չինգիսխանի Մոնղոլական հորդաները, մեր ժողովուրդը բազմիցս ենթարկվել է կանխամտածված կոտորածի։ Մեզ բազմիցս փորձել են ոչնչացնել։ Ինչեր արժե այն կոտորածը, որը կազմակերպել էին ազերիները 1918 թվականին Մուղանիում։ Այո, բարեբախտաբար, մենք ցեղասպանություն չենք վերապրել այն իմաստով, որում դրան ենթարկվել են հայերը (և ես հիմա նկատի չունեմ Խոջալուի ֆեյքային «ցեղասպանությունը», որը կազմակերպել էին հենց ազերիներն իրենց ժողովրդի համար Ժողովրդական ճակատից)»:

Ինչպես նշում է թալիշ ակտիվիստը, «հիմա այդ հրեշները կասեն, թե ամեն ինչում մեղավոր են հայերը՝ իբր նրանք սպանել են մեր երեխաներին։ Բայց չէ՞ որ ակնհայտ է, որ Ալիևը թալիշներին մահվան է ուղարկել՝ շատ լավ իմանալով, որ նրանք զոհվելու են, իսկ հայերը պաշտպանում են իրենց հողերը, իրենց բնակավայրերը, հայերը պայքարում են ցեղասպանության դեմ, որը պարտության դեպքում կապրեն։ Իսկ մենք նրանց մոտ ենք գնում զենքով և զարմանում ենք, որ նրանք մեզ սպանում են»։

Նրա խոսքով՝ եթե թալիշները հույս ունեն, որ պատերազմից հետո դրան մասնակցելու համար նրանց գլուխները կշոյեն, ապա չարաչար սխալվում են։

«Անկեղծ ասեմ՝ այսօր մեր ժողովուրդը շատ մեծ ողբերգություն է ապրում։ Հայկական ամրացված դիրքերի վրա հարձակվող ադրբեջանական զորամասերի առաջին շարքերում հենց մեր երեխաներն են։ Զարմանալի չէ, որ զոհվածների մեջ թլիշները մեծ տոկոս են կազմում»,- նշում է հեղինակը՝ կոչ անելով իր ժողովրդին ամեն գնով խուսափել պատերազմին մասնակցելուց՝ նույնիսկ թաքնվել անտառներում  և սարերում։

«Հավատացե՛ք ինձ, Ադրբեջանում՝ այս անաստված պետությունում, բոլորը թքած ունեն շահիդի կոչման վրա»,- նշում է նա։

Թալիշ ակտիվիստը նաև նշում է, որ նույնիսկ չգիտեն՝ հստակ քանի թալիշ է զոհվել պատերազմում։

«Դատելով ամենից՝ շատ ։ Թալիշների աճյունները, իհարկե, բոլորը չեն, որ հետագայում նրանց ընտանիքներին կհանձնեն։ Իսկ նրանց մի մասը կթաքցնեն տարբեր եղանակներով՝ մարդկանց հայտարարելով անհետ կորած։ Բայց անհետ կորելն այժմ հավասարազոր է մահվան»,- եզրափակել է նա։

Աղբյուր` Փաստինֆո