Փաստ ինֆո

Ռուսաստանի ԱԳ նախարար Սերգեյ Լավրովը ԼՂ հակամարտության կողմերին և միջազգային հանրությանը կոչ է արել դադարեցնել առճակատման հռետորաբանության սրումը:

«Համոզված ենք, որ այժմ ամենակարևորը առճակատման հռետորաբանությունը սրելը անհապաղ դադարեցնելն է, ինչպես հակամարտության կողմերի, այնպես էլ միջազգային պատասխանատու խաղացողների միջոցով, որը շատ ջանքեր չի պահանջում»,- հայտարարել է ՌԴ արտաքին գործերի նախարար Սերգեյ Լավրովը Եվրոպայի խորհրդի գլխավոր քարտուղար Մարիա Պեյչինովիչ-Բուրիչի հետ բանակցություններից հետո։

Ռուսաստանի արտգործնախարարը հույս է հայտնել, որ Հայաստանն ու Ադրբեջանը շուտով կհամաձայնեցնեն Ղարաբաղում հրադադարի վերահսկման մեխանիզմը. Մոսկվան շփումների մեջ է Հայաստանի և Ադրբեջանի հետ այդ հարցի շուրջ։

«Ամենակարևորը, որը մեծ ջանքեր չի պահանջում, ռազմական հռետորաբանության դադարեցումն է՝ ոչ միայն կողմերի միջև, այլև՝ միջազգային դերակատարների։ Երկրորդ՝ ծայրաստիճան անհրաժեշտ է դադարեցնել ռազմական գործողությունները, հարվածները քաղաքացիական բնակավայրերի վրա, ինչը արտացոլված է համաձայնեցված փաստաթղթում», - ասել է Ռուսաստանի արտգործնախարարը։

Ըստ նախարարի՝ որպեսզի հրադադարն աշխատի, անհրաժեշտ է հրադադարի վերահսկման մեխանիզմ ստեղծել, որի շուրջ ակտիվ աշխատում են, ՌԴ ՊՆ-ն՝ հայ և ադրբեջանցի գործընկերների հետ։

Լավրովը միաժամանակ ընդգծել է՝ հրադադարից բացի անհրաժեշտ է նաև էականորեն արագացնել ջանքերը խնդրի քաղաքական կարգավորման շուրջ։

«Մենք այժմ պետք է հորդորենք կողմերին համաձայնության գալ առանցքային դրույթների շուրջ, ինչը թույլ կտա կայունացնել իրավիճակը արդեն երկարատև կտրվածքով, բացել հեռահաղորդակցության ուղիները, տնտեսական, տրանսպորտային կապերը և ապահովել թե՛ Ղարաբաղի, թե՛ այստեղ ընկած այլ տարածքների անվտանգությունը»։

Աղբյուր` Փաստինֆո