Փաստ ինֆո

ՄԱԿ-ի հայաստանյան գրասենյակի դիմաց ակցիա իրականացնող արցախցի կանայք ներկայացուցչությանը նամակ հանձնեցին, որտեղ ներառված է նաև թուրք-ադրբեջանական-ահաբեկչական ագրեսիայի հետևանքով Արցախում տիրող իրավիճակի վերաբերյալ փաստեր՝ փաստաթղթեր։ Կանանցից մեկը՝ Սիրանուշ Սարգսյանը մինչ գրասենյակում հանդիպում ունենալը լրագրողների հետ զրույցում ասաց, որ պահանջում են հանդիպել ՄԱԿ-ի հայաստանյան ներկայացուցչի հետ և, եթե անձամբ ներկայացուցիչը վախենում է գալ կամ չի ցանկանում գալ, ապա իրենցից որևէ մեկն իր հետ գնա Ստեփանակերտ և ամենը տեսնի իր աչքերով։

«Եթե ռիսկ անեն, մինչև Հադրութ էլ կտանեմ, Մարտունի էլ կտանեմ»,- ասաց նա՝ ընդգծելով, որ կմնան այնքան ժամանակ, մինչև ներկայացուցիչը լսի իրենց։

«Եթե նրանք այստեղ են աշխատում, իրենք պարտավոր են դա անել։ Իրենք ձրիակեր չեն այստեղ, իրենք պարտավոր են աշխատել։ Եթե Ադրբեջանում  տեռորիստների կողմից բեմադրված ավերակների հետևից են գնում և նկարում ու  երեկ արդեն մեր հայ զինվորի հուղարկավորության նկարներ են դնում և գրում, որ Գյանջայում է զոհվել, հիմա կտանեմ ես իրենց  այդ զոհերի գերեզմանները ցույց կտամ, եթե այդպես է։ Թող գան, տեսնեն։ Հիմա կփոխանցենք նյութերը, թող դուրս չգան, թող մնան այդտեղ գիշերեն, մենք էլ այստեղ կգիշերենք։ Իրենց բախտը բերել է, մենք խաղաղ բնակիչներ ենք, մենք իրենց կշրջապատենք, բայց թույլ չենք տա գնան»,- ասաց նա՝ հավելելով, որ կարդալով ՄԱԿ-ի կոնվենցիաները, կայուն զարգացման դրույթները, տպավորություն է, թե իրենք հատուկ այդ ամենը խախտում են։
«Ինչ որ կենդանիներ պետք է լինե՞ն անհետացող, որ գնան տեսնեն ինչ է լինում այդ կենդանուն։ Ինչ է մարդն արժեք չունի՞»,- ասաց նա։

Աղբյուր` Փաստինֆո