Փաստ ինֆո

Արցախի հանրապետությունը դրական է գնահատում միջազգային հանրության ու առաջին հերթին Ռուսաստանի ջանքերը` հրադադարի վերականգնման ու պատերազմի դադարեցման ուղղությամբ: Նման հայտարարությամբ է հանդես եկել ԱՀ նախագահի խորհրդական Դավիթ Բաբայանը:

«Եթե այս անգամ եւս Ադրեբջանը չհարգի միջազգային հանրության ջանքերը ու հրադադարի ռեժիմը չելյալ համարի, ապա երրորդ անգամ արդեն ԵԱՀԿ ՄԻնսկի խմբի համանախագահող երկրներն ավելի կոշտ ու լրիվ այլ մեթոդներով են վերականգնելու զինադադարը; Սա արդեն կլինի մարտահրավեր ու չեմ կարծում, որ երրորդ անգամ այդ երկրները կհանդուրժեն», - ասել է նա:

Դ. Բաբայանը վստահեցրեց, որ Արցախը պինդ է, կանգուն է անկախ ամեն ինչից: «Հասկանում ենք, որ նման մարտահրավեր հազվադեպ է լինում ազգի ճակատագրում, որովհետեւ սա իսկապես ճակատագրական է, ու կանգնելու ենք մինչեւ վերջ ու փրկելու ենք մեր հայրենիքը, մեր ժողովուրդը: Թող որեւէ մեկը չկասկածի, մենք անկոտրուն ենք ու հաստատակամ պայքարելու ենք մինչու վերջ», - նշել է նա:

Նա միաժանակ ընդգծել է, որ, եթե միջազգային ջանքերը լինեին ավելի կոշտ ժամանակին, գուցե չէին ունենա այս վիճակը: «Կային կազմակերպություններ, որոնք պարտավոր էին,ավելի կոշտ ու օպերատիվ արձագանքել ,որ նման պատերազմ չլիներ», - նշել է ԱՀ նախագահի խորհրդականն ու հայտարարել. «Սա ցուցյ է տալիս, որ պետք է շարունակենք տարբեր կառույցների ու միջազգային կազմակերպությունների հետ համագործակցությունը, բայց խաղաղության ու անվտանգության ամենակարեւոր գրավականը ճիշտ աշխահրաքաղաքականության իրականացումն է, եղբայրական երկրների հետ հարաբերությունները նոր որակի հսացնելը: Սա կլինի ամենակարեւոր գրավականը մեր անվտանգության ու տարածշրջանում կայունությւան համար»:

Դ.Բաբայանի խոսքով` պարտավոր ենք սրանից հետո համապատասխան հետեւոթյուններ անել բոլոր մակարդակներով:

Աղբյուր` Փաստինֆո