Փաստ ինֆո

«Մենք տեսել ենք այն հրթիռակոծությունների հետևանքները, որոնք արվել են Արցախի բնակչության դեմ՝ միտումնավոր, որ նրանց բնաջնջեն կամ տեղահանեն։ Էթնիկ զտումներ են փորձում կատարել, որոնց մենք դեմ ենք»,- այս մասին Արցախ այցելությունից հետո հայտնեց Գերմանիայի Լանդթագի պատգամավոր Անդրեաս Կալբիցը։

Աշխարհին կոչ է անում՝ չլռել, որովհետև տարածաշրջան են եկել տեռորիստներ՝ Լիբիայից, Սիրիայից։

«Մենք կոչ ենք անում, որ աշխարհի միությունները ձայն բարձրացնեն, որովհետև ահաբեկիչները կռվում են խախաղ բնակչության դեմ։ Ադրբեջանին պետք է դիտարկել որպես միջազգային տեռորիստական երկիր, դատապարտենք։ Մինսկի խմբից տեսել ենք, որ տարիների ընթացքում փորձել են մի բան անել, բայց չի ստացվում։ Կոչ ենք անում պատերազմին վերջ դնել»,- ասաց պատգամավորը։

Անդրեաս Գալոն ևս տեսել է ադրբեջանական ագրեսիայի հետևանքները, կոչ է անում Բեռլինին սանկցիաներ կիրառել։

«Ադրբեջանը Թուրքիայի հրամանով Մինսկի խաղաղ պրոցեսից դուրս եկավ և որոշեց բռունցքով լուծել այս հարցը։ Եթե անցյալում Ադրբեջանի քայլերը նայենք, կհասկականք, որ Ադրբեջանը խախաղ ձևով այս հարցին լուծում չէր տալու և պատրաստվում էր կռվով հասնել լուծման։ Մենք տեսել ենք, թե Ադրբեջանն ինչ քայլեր է անում, պարզ է, որ ուզում են Արցախի բնակչությանը վերացնել, և մենք այդ քայլերը տեսել ենք նաև Թուրքիայից, որը փորձում էր էթնիկ զտում անել, վերացնել փոքրամասնություններին։ Կրկնում եմ մեր կոչը՝ պետք է ծանր սանկցիաներ կիրառել Բաքվի և Անկարայի կռվարար ղեկավարների դեմ։ Գերմանիան չի կարող այս պատերազմում Հայաստանին զենքով օգնել, բայց կարող է ծանր սանկցիաներ իրականացնել բռնարարների դեմ, որը ավելի մեծ հարված կհասցնի Անկարային։ Մենք Ստեփանակերտում ենք, կոչ ենք անում Բեռլինին, որ ազդեն Անկարայի ու Բաքվի վրա»,- ասաց պատգամավորը։

Բունդեսթագի պատգամավոր Շտեֆեն Կոյտերը՝ խոսելով սանկցիաների մասին, ընդգծեց՝ Գերմանիան, որպես Նատոյի անդամ, կարող է ճնշել Թուրքիային, կամ զենքի Էմբարգո կիրառել, որոշ մարդկանց հաշիվները բանկերում կարող են սառեցնել։ Գերմանիան կարող է Թուրքիայի վրա ազդել նաև տնտեսապես՝ արգելել թուրքական ապրանքի առք ու վաճառքը։ Բունդեսթագի պատգամավոր Շտեֆեն Քոյթերը Արցախում իրենց տեսածը որակեց որպես «դրոնային ցեղասպանություն»՝ հավելելով, որ ակնհայտ է Ադրբեջանի կողմից արգելված զինատեսակների օգտագործումը:

Աղբյուր` Փաստինֆո