Փաստ ինֆո

Ինչպես քաղաքական ուժերի այս հայտարարությունը, այնպես էլ երկրում ստեղծված իրավիճակը  առաջիկա քաղխորհրդի նիստում քննարկվելու է,- այս մասին «Փաստինֆո»-ի հետ զրույցում ասաց ԲՀԿ պատգամավոր Իվետա Տոնոյանը՝դրական գնահատելով քաղաքական ուժերի միասնականությունը․և համատեղ կոչերը։

Հիշեցնենք, այսօր մեկ տասնյակից ավել կուսակցություններ, հանդես են եկել համատեղ հայտարարությամբ՝ կառավարությունից պահանջելով ստեղծել ռազմաքաղաքական հարցերի օպերատիվ կառավարման շտաբ-պետական հատուկ մարմին՝ օժտելով նրան որոշումներ ընդունելու, օպերատիվ գործողություններ ծրագրելու և համակարգելու իրավասություններով:

«Հայրենքի պաշտպանությունն արդյունավետ կազմակերպելու համար ներգրավել Հայաստանի և Արցախի Հանրապետությունների նախկին և գործող նախագահներին, վարչապետներին, պաշտպանության և արտաքին գործերի նախարարներին, ռազմական և քաղաքական փորձառություն ունեցող այլ անձանց»,- նշված է հայտարարության մեջ:

Ստեղծել ռազմաքաղաքական հարցերի օպերատիվ կառավարման շտաբ. կուսակցությունների հայտարարությունը

«Քաղաքական դաշտի միասնականության, քաղաքական համերաշխության և, անկախ  քաղաքական պատկանելությունից, հեղինակություն և փորձ ունեցող անձանց ներուժը համախմբելու անհրաժեշտության մասին Բարգավաճ Հայաստանը խոսել է ստեղծված իրավիճակի դեռևս առաջին իսկ օրից, և մենք էլ մեր հերթին բոլոր քաղաքական ուժերին համերաշխության  և միասնականության բազմաթիվ կոչեր հղելու հնարավորություն ենք ունեցել։Սա մեր գործընկեր կուսակցությունների նախաձեռնությունն է, որը կյանքի իրավունք ունի և կարծում եմ, որ միասնականությունից մեր երկիրը շահելու է»։

ԲՀԿ պատգամավորը նշեց, որ քաղաքական ուժերի հայտարարությունը, ինչպես նաև իրենց հետագա անելիքները կքննարկվեն ԲՀԿ քաղխորհրդի առաջիկա նիստում․

Վարչապետի խոսնակը՝ օպերատիվ կառավարման շտաբ ձեւավորելու կուսակցությունների պահանջի մասին

«Մենք նմանատիպ որոշումները կայացնում ենք բացառապես քաղխորհրդում՝ տվյալ հարցի քննարկումներից հետո, իսկ այս դեպքում, ինչպես գիտեք, Գագիկ Ծառուկյանը անազատության մեջ է, և մենք հակված ենք այս հարցը քննարկել մեր քաղխորհրդի առաջիկա նիստում, որը տեղի է ունենալու օրեր անց։Մենք լավատեսությամբ հույս ունենք, որ այդ նիստը նախագահելու է ԲՀԿ ղեկավար Գագիկ Ծառուկյանը, և  հնարավորություն կունենանք այդ նիստում հստակ վերլուծել ստեղծված իրավիճակը, ինչպես նաև հետագա գործողությունների  ճանապարհային քարտեզ առաջարկել»,-ասաց Իվետա Տոնոյանը։

Աղբյուր` Փաստինֆո