Փաստ ինֆո

Այս օրերին, երբ ամբողջ աշխարհը ցնցված է ադրբեջանական զինծառայողների կողմից Հադրութի շրջակայքում խաղաղ բնակիչների դաժան գնդակահարությամբ, ինձ մնում է ասել միայն մի բան՝ ես վաղուց գիտեի, թե ում հետ գործ ունենք։ Այս մասին ֆեյսբուքյան իր էջում գրել է Ալեքսանդր Լապշինը։

«Այս օրերին, երբ ամբողջ աշխարհն է ցնցված  ադրբեջանական զինծառայողների կողմից Հադրութի շրջակայքում խաղաղ բնակիչների դաժան գնդակահարությամբ, ինձ մնում է ասել միայն մի բան՝ ես վաղուց գիտեի, թե ում հետ գործ ունենք։ Սա այն դեպքն է, երբ ոչ մի բացատրություն չկա, թե իբրև գնդակահարողները ոչ թե ադրբեջանցի զինծառայողներն  են, այլ՝ սիրիական ջիհադիստները, որոնք եկել են՝ օգնելու Իլհամ Ալիևի իշխանությունը փրկելուն։ Ոչ, դա մաքուր ադրբեջանական ելույթ է, ինչպես ասում են ինձ ծանոթ ադրբեջանցի ընդդիմադիրները։ Բացի դա՝ ես նաև հարցրի, թե աջ կողմում բետոնե բլոկի վրա գրված «Ադրբեջան» բառի կողքի գրությունն ինչ է նշանակում, ինչին ի պատասխան նրանք ասացին, որ ամենայն հավանականությամբ մարդասպանները գրել են իրենց գումարտակի կամ ստորաբաժանման անվանումը։

Հիշեցնեմ, որ Ադրբեջանի ԶԼՄ-ները և իրենց բոլոր  բլոգերները ուրախությամբ հայտնել են, որ հայերին գերի են վերցրել՝ կտրելով սկզբնական տեսանյութից հենց գնդակահարության հատվածը։ Բայց , հենց իրենք են սկսել տարածել տեսաձայնագրության ամբողջական տարբերակը՝ գնդակահարության  հետ միասին և ցնծում էին, թե ինչ հզոր են իրենք՝ գնդակահարել են երկու խաղաղ բնակչի, այդ թվում՝ ծերունու։ Արդյունքում՝  տեսաձայնագրությունը հայտնվել է Ադրբեջանի սահմաններից դուրս։ Դրանից հետո Ադրբեջանի ԶԼՄ-ները վախեցել են և հեռացրել  ձերբակալության վերաբերյալ սյուժեները՝ հայտարարելով, որ դա կեղծ է և առաջին անգամ են տեսնում, բայց «Գուգլը» ամեն ինչ հիշում է։

Ամեն ինչ տեղի է ունենում այնպես, ինչպես 2017թ սեպտեմբերի 10-ի լույս 11-ի գիշերը   Բաքվի բանտում ինձ վրա հարձակման պատմության մեջ։ Նախ՝ չորսով հարձակվեցին, ծեծեցին և խեղդեցին։ Հետո, վախենալով, որ կմեռնեմ (հնարավոր է՝ նպատակը եղել է ոչ թե սպանելը, այլ՝ վախեցնելը և վիրավորելը), իրենք կախվելու իմիտացիա ստեղծեցին՝ վզիս վրա գոտի փաթաթելով և կախելով ինձ մեկուսարանում։ Բայց Լապշինը,  կարծես թե,  չի ցանկացել մահանալ, իսկ ժամանակը գնում էր, ամենայն հավանականությամբ բանտի անվտանգության աշխատակիցները  հասել են և խառնաշփոթ է սկսվել։ Նրանք որոշեցին, որ անհրաժեշտ է փրկել, ոչ թե՝ սպանել։ Մեկ-երկու ժամից բոլոր ԶԼՄ-ները հայտարարեցին, որ Լապշինը կախվել է, բայց բանտի հերոսական ծառայողները փրկել են ինձ։ Դրանից հետո, լրջորեն վախենալով, նախագահ Ալիևը ինձ ներում է շնորհել՝ առանց իմ կողմից ներման համար դիմում ներկայացնելու և չորրորդ օրը հենց Բաքվի հոսպիտալի վերակենդանացման բաժանմունքից ուղարկեցին Իսրայել։

Մարդասպանները մի բան հաշվի չեն առել։  Անկախ նրանից, թե ինչպես է Իսրայելը զենք վաճառում Ալիևի ռեժիմին, կա արտասահմանյան բանտարկության վայրերից ժամանած անձանց ընդունելու ստանդարտ ընթացակարգ, որը կոչվում է բժշկական զննում։ Հենց Թել Ավիվի ինքնաթիռից ինձ տեղափոխեցին հիվանդանոց և ենթարկեցին ամբողջական ստուգման՝ արձանագրելով բազմաթիվ կոտրվածքներ, վնասվածքներ, հեմատոմաներ և այս մասին զեկուցագիր տրվեց։ Բացի դա, նմանատիպ ստուգումներ են իրականացվել փորձագետների կողմից Ռուսաստանում և Նիդերլանդներում, որոնք ևս իրենց եզրակացութունն են ներկայացրել,ինչի  հիման վրա իմ փաստաբանները ՄԻԵԴ գանգատ են ներկայացրել՝ ընդդեմ Ադրբեջանի։

Ի՞նչ եք կարծում՝ Բաքվի իշխանությունն ի՞նչ պատասխանեց.  որ Իսրայելի, Ռուսաստանի, Նիդերլանդների փորձագետները ոչ կոմպետենտ են, ավելին՝ նրանք աշխատում են հայկական կողմի շահերից ելնելով և, որ ինձ վրա որևէ մեկը չի հարձակվել, չի խեղդել և, որ այդ ամենը կեղծիք է։ Բնականաբար, ՄԻԵԴ-ն այդ բացատրությունները չի ընդունել և այժմ գործը քննվում է դատարանում։

Ավելին, Եվրոպական դատարան ներկայացնել էին գոտի, որով ես իբր կախվել էի, նրանք մոռացել էին , որ նախկինում դատարանին տրամադրել էին իմ ունեցվածքի գույքագրումը բանտի խցում, որտեղ գոտի չկար: Այդ դեպքում՝ որտեղի՞ց այն: Ինչպես այն անեկդոտում՝ «Շտիրլեցը դեռ երբեք այդքան մոտ չէր եղել ձախողմանը»։

Համաձայնեք, որ պաշտոնական Բաքվի պահվածքը Հադրութի այս երկու բնակչի  գնդակահարության դեպքում  և իմ դեպքում լրիվ նույնն է։ Սա է նրանց գործելաոճը»,- գրել է Լապշինը։

Աղբյուր` Փաստինֆո