Փաստ ինֆո

Արցախի անկախության պահանջով այս պահին երիտասարդները քայլերթ են իրականացնում Երևանում։ «Էրդողան՝ տեռորիստ», «Ճանաչում», «Ազատ, անկախ Արցախ» վանկարկումներով ակցիայի մասնակիցները քայլերթով շարժվեցին դեպի ՀՀ-ում Հունաստանի դեսպանատան շենքի մոտ և ծափահարություններ հղեցին այս պահին Հայաստանում գտնվող Հունաստանի ԱԳՆ նախարարին՝ կոչ անելով ճանաչել Արցախի Հանրապետության անկախությունը։ «Դա տարբերակ է կանգնեցնել թուրքական, ադրբեջանական ահաբեկչական հարձակումը, որը տեղի է ունենում հիմա մեր խաղաղ բնակչության վրա»,- հայտարարեց ակտիվիստը։ 

Ակցիայի մասնակիցներից մեկը նշեց, որ Հունաստանի ԱԳՆ նախարարի այցը Հայաստան հատկանշական է և հասկանալի, որ մեր հույն եղբայրները կանգնելու են մեր կողքին և նրանք այդ հստակ դիրքորոշումն արդեն հայտնել են, հիմա շատ կարևոր է, որ Հունաստանը ճանաչի ԱՀ անկախությունը։

«Ինչպես նրանք են կանգնած մեր կողքին, այնպես էլ մենք ենք կանգնած նրանց կողքին, որովհետև ագրեսոր Թուրքիան հարձակվում է նաև Հունաստանի վրա, Արցախի, Սիրիայի վրա, բոլոր հարևաններին փորձում է ահաբեկել, ժամանակն է կանգնեցնել տեռորիստ Էրդողանին»,- ասաց նա։

Աղբյուր` Փաստինֆո