Փաստ ինֆո

Ադրբեջանը տեռորիստների հետ իր համագործակցությունն սկսել է դեռևս ղարաբաղյան առաջին պատերազմի ժամանակ՝ 92-94թթ,- այս մասին ճեպազրույցի ընթացքում հայտարարեց ՀՀ վարչապետի գլխավոր խորհրդական Վաղարշակ Հարությունյանը:

Վերջինս նաև ներկայացրեց փաստաթղթեր, որոնք վկայում են ահաբեկիչների հետ Ադրբեջանի համագործակցության մասին։ Մասնավորապես՝ Վ.Հարությունյանը հրապարակեց Ադրբեջանի ներկայիս գենշտաբի պետի ստորագրությամբ մի փաստաթուղթ, որի համաձայն՝ 520 հոգի ներգրավվում են Ադրբեջանի զորամաս և մասնակցում մարտական գործողություններին․

«Կա նաև հրաման, որ զորակոչեն պահեստազորից սպաներին, որոնք տիրապետում են ֆարսի լեզուն, կան 15 հոգու ազգանուններ, որոնք զորակոչվել են․ սա խոսում է նրա մասին, որ տեռորիստների հետ համագործակցության ճանապարհը Ադրբեջանը բացել է դեռևս 92թ-ին և այսօր շարունակում է այդ գործողությունը՝ ներգրավել տարածաշրջան, որը հանդիսանում է սպառնալիք ոչ միայն Ղարաբաղի և Հայաստանի, այլ՝ տարածաշրջանի բոլոր պետությունների համար, ինչի մասին հայտարարել է Իրանի Հանրապետությունը և ՌԴ-ն»,-ասաց Վաղարշակ Հարությունյանը։

Ճեպազրույցի ընթացքում բանախոսը ընդգծեց նաև, որ թե՛ համանախագահ երկրները, թե ՌԴ նախագահը և Արտաքին հետախուզության պետը, թե՛ Ֆրանսիայի նախագահը, ԱՄՆ պետքարտուղարը և էլի շատ երկրներ փաստեր են ներկայացրել, որ ռազմական գործողություններին մասնակցում են վարձկաններ, որքան էլ, որ Թուրքիայի և Ադրբեջանի նախագահները շարունակում են հերքել։

Աղբյուր` Փաստինֆո