Փաստ ինֆո

Ռազմական փորձագետ, բլոգեր Կարեն Վրթանեսյանը ֆեյսբուքյան գրառում է կատարել.«Ինչ պատերազմը սկսվել ա, գրում եմ, թե կորոնավիրուսն ինչքան ավելի վտանգավոր է դառնում։ Որ էդ անտերը սպառնում է նաև ռազմաճակատին։ Որ հոսպիտալներն ու սովորական հիվանդանոցներն առանց այն էլ լիքն են։

Ամեն գրառմանս տակ հեչ չլինի, գոնե 1–2 իդիոտ գալիս են, սկսում գլուխ տանել, թե դիմակները ստրկություն են, թե վարակումների ոչ մի աճ էլ չկա, թե բա «կեղծ վիրուս ա», «հերիք ա ժողովրդին խաբես» և այլն։

Նոր չդիմացա, մեկին հայհոյեցի։ Գրել էր. «gna gebbels torosyani koghqy kangni», էն որ 2 տարի է՝ Թորոսյանին իմ պես կոշտ քննադատող չկա, հիմա ինչ-որ անանուն սենց բան ա ինձ ասում։

Երեկ չէ առաջին օրը 1058 վարակված է հայտնաբերվել, երեկ՝ 1371։

Համեմատեք. հունիսի էն ամենածանր օրերին մաքսիմումը 771 վարակվածն է եղել մեկ օրում։ Այն ժամանակ պատերազմ չէր, հազարներով վիրավորներ չկային, բայց առողջապահական համակարգը ճռռում էր։

Բայց տգետների գլուխը մե՛կ ա, չի մտնում։ Ոնց իշխանական պրոպագանդոններն էին հետս մարտին վիճում, թե կորոնավիրուսը հեչ, ստից բան ա, էսա ամառը գա՝ կանցնի, հերիք խուճապ տարածես, էնպես էլ հիմա ինչ-որ պողոսներ շարունակում են նույն ոճի մեջ։

Միայն ինձ մոտ չեն գրում։ Գրառումներ են անում, կովիդիդիոտների վիդեոներ share անում, ամեն տեղ ելույթ ունենում...

Արա՛, լավ, մենք սենց ո՞ւր ենք հասնելու։ Քանի՞ մարդ պիտի մեռնի հիվանդանոցներում ու ֆռոնտում, որ խելքներդ գլուխներդ հավաքեք։ Ինչքա՞ն կորուստ պիտի տանք, որ վերջը ուղեղներումդ սթափ մտքի ինչ-որ կայծեր հայտնվեն»,- գրում է բլոգերը։

Աղբյուր` Փաստինֆո