Փաստ ինֆո

Ես առաջին անգամ եմ լսում, ինձ հրավեր չի եղել,- այս մասին «Փաստինֆո»-ի հետ զրույցում ասաց ՀՀ նախկին վարչապետ Խոսրով Հարությունյանը:

Նշենք, որ մամուլում շրջանառվող տեղեկություններով՝ առաջիկայում հնարավոր է կայանա վարչապետ Նիկոլ Փաշինյանի հանդիպումը ՀՀ նախկին վարչապետերի հետ , որոնք պետական կառավարման ոլորտում եւ ռազմական իրավիճակներում աշխատելու փորձ ունեն:

«Փաստինֆո»-ն կապ հաստատեց նաև նախկին վարչապետ Խոսրով Հարությունյանի հետ, որն էլ մեզ հետ զրույցում ասաց, որ իրեն հանդիպման հրավեր չի եղել.

«Այս պահի դրությամբ ինձ վարչապետի հետ հանդիպման հրավեր չի եղել, բայց, ամեն դեպքում, եթե հանդիպում լինի, մենք հանդիպմանը պետք է քննարկենք մեր ռազմական և տնտեսական կարողությունները,ինչպես նաև դրանց ավելացման ճանապարհները, երկրորդ՝ ակնհայտ է, որ միակ երկիրը, որը գործնական քայլեր է անում ռազմական գործողությունները կասեցնելու համար, դա Ռուսաստանն է, Ռուսաստանը մեր ռազմավարական դաշնակիցն է, ուստի, կքննարկենք քայլերի մի ամբողջ շարք, որոնք կվերականգնեն Ռուսաստանի հետ մեր վստահելի գործընկերային հարաբերությունները»,- ասաց Խոսրով Հարությունյանը:

Աղբյուր` Փաստինֆո