Փաստ ինֆո

Ղարաբաղյան հարցը վաղուց արդեն դուրս է եկել զուտ Ղարաբաղյան հիմնախնդրի շրջանակներից, յուրաքանչյուր կողմ իր շահն է առաջ տանում՝ Հայաստանն ու Արցախը ունեն մեկ միասնական շահ, Ադրբեջանն իր շահն ունի, Ռուսաստանը, Իրանը, Թուրքիան իրենց շահերը,- «Փաստինֆո»-ի հետ զրույցում ասաց քաղաքագետ Արմեն Բադալյանը:

Ինչպես տեղեկացրել ենք, ՌԴ ԱԳ նախարար Սերգեյ Լավրովն այսօր հայտարարել է, որ ղարաբաղյան հիմնախնդրի կարգավորման բանակցային սեղանին դեռեւս շարունակում է մնալ ԵԱՀԿ Մինսկի խմբի համանախագահների մշակած փուլային տարբերակը, որը ենթադրում է Ղարաբաղի շուրջ շրջանների փուլային, աստիճանական վերադարձ ՝ պահպանելով Ղարաբաղի անվտանգության երաշխիքները և ապահովելով՝ մինչև Ղարաբաղի վերջնական կարգավիճակի որոշումը Հայաստանի և Ղարաբաղի միջև հուսալի կապը:

Մեզ հետ զրույցում քաղաքագետ Արմեն Բադալյանը նշեց, որ փուլային տարբերակը հնարավոր է միայն ԼՂ կարգավիճակի հստակեցման դեպքում.

«Կարգավորման փուլային տարբերակը, ինչպես նկատեցինք, վարչապետն իր ուղերձում մերժեց, քանի որ ըստ այդ տարբերակի՝ 5 շրջաններ տրվում են խաղաղության դիմաց, բայց խաղաղությունը ոչ մի բան չասող հասկացություն է, հինգ րոպե հետո էլ կարող է այդ խաղաղությունը չլինի, նորից պետք է այդ շրջանները հե ՞տ ազատագրենք, եթե այդ տարածք մտավ Ադրբեջանի բնակչությունը, ադրբեջանական զորքը նորից չենք կարող 92-94 թվերի նման պատերազմ անել և դրանք հետ վերադարձնել: Փուլային տարբերակով միայն մի դեպքում կարելի է խնդիր լուծվել, երբ առաջին փուլում լինի ԼՂՀ կարգավիճակի հստակեցում, որը չի կարող ցածր լինել, քան Արցախի անկախությունը, Ադրբեջանը դեմ է այդ փուլին, նա էլ ցանկանում է հողերի վերադարձ, իսկ Հայաստաննն էլ իր հերթին դեմ է այս տարբերակին,-նշեց քաղաքագետը»,-նշեց քաղաքագետ:

ՌԴ արտգործնախարար Ս.Լավրովը նաեւ հայտարարել էր նաեւ ռուս խաղաղապահների՝ շփման գծում տեղակայման մասին ու նշել, որ եթե ոչ խաղաղապահների, ապա գոնե ռազմական դիտորդների ներկայությունը կարող է ապահովել Լեռնային Ղարաբաղում հրադադարի ռեժիմի վերահսկողությունը:
Արմեն Բադալյանի դիտարկմամբ՝ տարածքում ռուս խաղաղապահների տեղակայումը բավական բարդ գործընթաց է, որին պետք է համաձայնեն հակամարտող երկու կողմերը, ինչպես նաև տարածաշրջանային այլ երկրներ։

«Ռուս խաղաղապահների տեղակայումը հնարավոր է, եթե դրան համաձայնեն Հայաստանը, Ադրբեջանը, Իրանը: Մինչ խաղաղապահների տեղակայումը, բոլոր հարցերը պետք է կարգավորված լինեն՝ կարգավիճակի հարցը, տարածաշրջանների հարցը, կոմունիկացիաների բացման հարցը:

Պետք է պարզել նաև՝ խաղաղապահ զորքերը, որ տեղակայվեն, ի՞նչ կազմով են լինելու արդյոք միայն ռուս զինվորներ են լինելու, ո՞րտեղ են տեղակայվելու, ի՞նչ միջոցներով, ի՞նչ իրավասություններ են ունենալու, ինչպես կվերաբերվի խաղաղապահների տեղակայմանը՝ Իրանը, քանի որ գիտենք, որ Իրանը բացասական վերաբերմունք ունի խաղաղապահների հանդեպ»,- ասաց նա:

Աղբյուր` Փաստինֆո