Փաստ ինֆո

Сегодня.ру պորտալի գլխավոր խմբագիր Յուրի Կոտենոկը «Կոմսոմոլսկայա պրավդա» - ին պատմել է, թե ինչպես է հրթիռակոծման ենթարկվել Շուշիի տաճարում

«Այդ օրը՝ հոկտեմբերի 8 – ին, ադրբեջանական ավիացիան երկու անգամ հարված հասցրեց Շուշիի Սուրբ Ամենափրկիչ եկեղեցուն։ Առաջին հարձակումից հետո տաճարի մոտ հավաքվել էին լրագրողները, ֆիքսել կատարվածը եւ հեռացել։ Ավելի ուշ այնտեղ է ժամանել լրագրողների եւս մեկ խումբ, որտեղ եղել է նաեւ Յուրի Կատվենոկը։ Հրթիռն ընկել է նույն տեղում՝ տաճարի գմբեթի վրա, երբ լրագրողները ներսում էին. Լևոն Արզանովին և Հրանտ Բադալյանին տեղափոխել են Շուշիի հիվանդանոց: Ավելի ուշ նրանց տեղափոխել են «շտապօգնությունով»։ Յուրի Կոտենոկին անմիջապես ուղարկել են Ստեփանակերտ։ Առավոտյան մի քանի վիրահատություններից հետո նրան ուղղաթիռով ուղարկել են Երեւանի Էրեբունի բժշկական կենտրոն։ Այստեղ էլ ես նրան գտել եմ վերակենդանացման բաժանմունքում։ Մենք վաղուց ծանոթ ենք, դրա համար էլ «դու» - ով ենք միմյանց հետ»։

- Կարոտո՞ւմ ես: - մոտեցա ես մահճակալին։

- Այո, ահա հեռախոս են տվել, բայց դժվար է օգտվել. Հիշողությունս կորել է, կնոջս հեռախոսահամարը ոչ մի կերպ չեմ կարողանում հիշել, - ասում է նա հոգնած ձայնով:

- Իսկ ես քեզ համար նվեր ունեմ, - գրպանից հանում եմ ծանր բեկորը։ - Սա փոխանցել է քեզ վիրահատող վիրաբույժներից մեկը։ Ահա այսպիսի բան են գտել ոտնաթաթիդ մեջ:

- Գրողը տարածի կոն

- Մոսկվա կգաս, կտամ։ Որ ճանապարհին չկորցնես:

«Մեզ հետ սաղավարտներ և զրահաբաճկոններ չէինք վերցրել՝ մտածելով, որ Ստեփանակերտում կտան, սակայն ճանապարհին տեղեկացանք, որ Շուշիի եկեղեցու ուղղությամբ հարված է հասցվել և մեկնեցինք այնտեղ: Ես հեռախոսով էի նկարում: Այն ավիառեժիմի վրա էր դրված, այնուամենայնիվ կարողացել էին կոտրել. կարծում եմ հարվածել են հեռախոսից ստացվող ազդանշանի ուղղությամբ»- վերհիշում է Կոտենոկը:

- Մենք այնտեղ էինք ձեզանից մի երկու ժամ առաջ:

- Այո: Հայր Անդրեյը՝ տաճարի վանահայրը, մեզ պատմում էր, որ նկուղում հարվածի ժամանակ թաքնվում էր ընտանիքը։ Եվ մենք արդեն պատրաստվում էինք հեռանալ։ Քահանան ասում էր, որ անօդաչուները 15 րոպե պտտվել են, իսկ հետո, հավանաբար, բարձրացել են։ Այնտեղ էլ հենց տաճարի վերեւում մի կտոր կապույտ երկինքն էր երևում:

- Հիշում ես այդ պահը՞:

....

- Ի՞նչ ես քեզ համար հասկացել այս պատմությունից:

- Կարծում եմ, որ նրանք հատուկ են սպասում, որ ժողովուրդը հավաքվի տաճարում, եւ խփում են: Ես նման ցուցադրական դաժանության նույնիսկ Չեչնիայում չեմ հանդիպել։

- Գիտես, որ հենց նույն տեղին են հարվածել։ Իսկ ասում են, որ արկը նույն ռմբափոսի մեջ երկու անգամ չի ընկնում…

- Դա խոսում է այն մասին, որ օպերատորը նշան է բռնում հատուկ նույն նշանակետին: Ապշելու բան է: Այնպես որ, բոլոր լրագրողներին, ովքեր մնում են այնտեղ աշխատելու՝ զգույշ: Հաշվարկել ամեն ինչ: Եվ դուք պետք է նվազագույնի հասցնեք ձեզ մոտ եղած գաջեթները: Տեխնոլոգիաները հասել են այնպիսի մակարդակի,որ կարող են հարվածել անհատապես։

Աղբյուր` Փաստինֆո