Փաստ ինֆո

Լեռնային Ղարաբաղի հակամարտությունը թափ է հավաքում, բռնության կատաղի էսկալացիան տեւում է ավելի քան երկու շաբաթ: Մեր գնահատականներով՝ տեղի ունեցածը անդրադառնում է ամբողջ տարածաշրջանի հարյուր հազարավոր մարդկանց վրա։

Խաղաղ բնակիչները մահանում կամ հաշմանդամության հասցնող վիրավորում են ստանում: Բնակելի տներ, հասարակական շենքեր և երբեմնի բանուկ փողոցները վերածվում են ավերակների։ Մարդիկ, այդ թվում՝ ծերերն ու փոքր երեխաները, ստիպված են ժամերով նստել չջեռուցվող նկուղներում կամ ընդհանրապես փախուստի դիմել։

Միեւնույն ժամանակ, բժշկական հաստատությունները, բուժաշխատողները եւ շտապ օգնության ծառայությունները դժվարությամբ են կարողանում հաղթահարել աճող ծանրաբեռնվածությունը, իսկ որոշ տեղերում, ինչպես հաղորդվում է, նույնիսկ հարձակման են ենթարկվում: Շփման գծի երկու կողմերում էլ տիրում է խառնաշփոթություն, վիշտ ու վախ։

Մենք անկեղծորեն հույս ունենք, որ հումանիտար հրադադարը կպահպանվի եւ այդ մարդկանց իսկական դադար կբերի

Այդ կապակցությամբ Կարմիր խաչի միջազգային կոմիտեն պատրաստ է աջակցել մարտական գործողությունների ընթացքում զոհվածների մարմինների փոխանցմանը եւ ձերբակալվածների ազատ արձակմանը: Նման գործողության ձևաչափի մասին կողմերը պետք է պայմանավորվեն միմյանց հետ։

Մենք մշտապես շփվում ենք կողմերի հետ, առաջարկների փոխանակում է տեղի ունենում։ Որպեսզի սկսվի օպերացիան, անհրաժեշտ է կարգավորել օպերատիվ և լոգիստիկ հարցերը և ապահովել անվտանգության երաշխիքներ մեր աշխատակիցների համար։

Մենք չենք մասնակցում քաղաքական բանակցություններին։ Մեր դերը՝ չեզոք միջնորդի դերը, կրում է բացառապես հումանիտար բնույթ։ Մենք վաղուց հանդես ենք գալիս նման կարգավիճակում ամբողջ աշխարհի հակամարտություններում։

Ինչ վերաբերում է մեր գործունեությանը՝ կապված հակամարտության հետ, ապա մենք աշխատում ենք ամբողջ տարածաշրջանով մեկ, որպեսզի թեթևացնել մարդկանց տառապանքները, որոնք ներքաշված են տեղի ունեցածի մեջ։

Մենք հարյուրավոր ընտանիքների տրամադրում ենք արտակարգ դրամական օգնություն և հիգիենիկ հավաքածուներ, տրամադրում ենք բժշկական պարագաներ, որոնք անհրաժեշտ են անհետաձգելի օգնություն ցուցաբերելու համար, հիվանդանոցներին և դատական բժշկության ոլորտում՝ իշխանություններին, հնարավորության դեպքում անցկացնում ենք տեղերում կարիքների գնահատում։

Բացի այդ, մենք սերտորեն համագործակցում ենք Հայկական Կարմիր Խաչի և ադրբեջանական Կարմիր կիսալուսնի ընկերության հետ, որոնք զբաղվում են այդ ճգնաժամի հետևանքների վերացմամբ։

Մեր ամենահամեստ կանխատեսումների համաձայն՝ ամբողջ տարածաշրջանում տասնյակ հազարավոր մարդիկ օգնության կարիք կունենան առաջիկա մի քանի ամիսների ընթացքում:

Դա լրացուցիչ ռեսուրսներ կպահանջի, ուստի մենք հանդես ենք եկել 9,2 մլն շվեյցարական ֆրանկ հավաքելու ուղերձով եւ արդեն սկսել ենք առատաձեռն նվիրատվություններ ստանալ կառավարություններից, ինչի համար մենք չափազանց երախտապարտ ենք։

Վերջում ուզում եմ ձեզ հետ կիսվել մեզ դիմած մի կնոջ պատմությունով։ Նա պատմել է, թե ինչպես է մանուկ հասակում թաքնվել նկուղներում եւ գիշերել անտառում, որպեսզի փրկվի մարտերից: Գրեթե 30 տարի անց նա ստիպված է նույնն անել՝ այս անգամ փոքրիկ դստեր հետ, որը հազիվ երկու տարեկան է, և տարեց ծնողների հետ, ովքեր այն ժամանակ նրան փրկել էին։

Նրա նմանները շատ են, եւ այդ բոլոր մարդկանց եւ նշանակալի մարդասիրական գործունեությանը մենք պետք է աջակցենք:

Աղբյուր` Փաստինֆո