Փաստ ինֆո

«Արցախա-ադրբեջանական շփման գծի ողջ երկայնքով այսօր տեղի են ունեցել մինչ այս եղած թերևս ամենաթեժ մարտական գործողություններից մեկը, - այս մասին քիչ առաջ հայտնեց ՊՆ ներկայացուցիչ Արծրուն Հովհաննիսյանը երեկոյան բրիֆինգի ընթացքում։

Նրա փոխանցմամբ՝ վաղ առավոտյան Ադրբեջանի զինված ուժերը Արցախի սահմանի ողջ երկայնքով անցել են լայնամասշտաբ հարձակվողական գործողությունների, հատկապես թեժ են եղել մարտերը հյուսիսի ուղղությամբ։ «Օրվա ընթացքում մեծ ծավալի հրետակոծությունց հետո անցել են լայնմասշտաբ հարձակման զրահատեխնիկայի կիրառմամբ։ .Հովհաննիսյանն ընդգծել է, որ անցած երկու շաբաթվա ընթացքում նման թեժ մարտեր գրեթե չէին եղել։ «Տեղի է ունեցել թեժ մարտերից մեկը՝ ողջ պատերազմի ընթացքում»,- ասել է նա։

Մեր ստորաբաժանումներին հաջողվել է հակառակորդին հետ շպրտել՝ պատճառելով էական կորուստներ։ «Այս ընթացքում զինված ուժերը, կանոնավոր բանակի, պահեստազորի, աշխարհազորի միատեղ, փայլուն և համատեղ հերոսական գործողությունների շնորհիվ հաջողվել է կասեցնել հակառակորդի հարձակողական գործողությունները։ Հակառակորդն այսօր էական առաջխաղացում չի ունեցել, չնայած նրան, որ վերջին մի քանի օրերի ընթացքում Ադրբեջանի զինված ուժերը որդեգրել են հետեւյալ գործելաոճը՝ հետախուզա-դիվերսիոն գործողություններով մեր ռազմաճակատային տարբեր բնակավայրերում արագ ներթափանցել և տեղեկատվական ակցիաներ իրականացնել՝ դրոշներ պարզելով տարբեր շենքերի վրա, նկարելով դրանք, սրանով առաջին հերթին իրենց հասարակության, հետո նոր մեզ վրա ազդելու համար»,- ընդգծել է նա։

Աղբյուր` Փաստինֆո