Փաստ ինֆո

«Երեկ ողջ գիշեր և այսօր առավոտյան մարտերը շարունակվել են։ Գիշերվա ընթացքում հակառակորդը Արաքսի երկայքով փորձել է ուժեր կուտակել և առաջ ընթանալ։ Մեր հետախուզական ստորաբաժանումները հետևել են հակառակորդի գործողություններին, ժամանակին հավաստանշել են և դիպուկ հրթիռային և հրետանային կրակով խմբավորմանը մեծ վնաս են պատճառել. մոտավորապես 3 համահավաք բրիգադների՝ լավ սպառազինված, կրակային խոցում են իրականացրել՝ ոչնչացնելով ամբողջ խումբը։ Այդ զորախումբը կրել է զգալի կորուստներ՝ մի քանի տասնյակ մահացածներ, զգալի թվով զրահատեխնիակ, որոնց մի մասը անվնաս թողել և դաշտից փախել են»,- այս մասին ճեպազրույցի ժամանակ հայտնեց ՀՀ ՊՆ ներկայացուցիչ Արծրուն Հովհաննիսյանը։

Հովհաննիսյանը ներկայացրեց նաև, որ այդ հատվածում կուտակումներ իրականացնելիս՝ ադրբեջանական ստորաբաժանումները, զորամասերը, միավորումները հաճախակի օգտվում են այն հանգամանքից, որ որպես սահման, գործողություններ իրականացնելիս միգուցե նահանջի կամ խուսավարման ժամանակ փորձում են օգտվել Արաքսի սահմանից, ինչի առնչությամբ կոչ են արել իրանական կողմին հետևել այս գործողություններին և թույլ չտալ գետը անցնել։

«Օրվա ընթացքում եղել են այլ դիպուկ հարվածներ։ Կարող եք տեսանյութով տեսնել թե ինչպես է ոչնչացվում ադրբեջանական նավթամթերքի մեծ բազա և սա պատերազմի 11-րդ օրն է ընթանում և ադ բազայի կողքին գտնվում է զորանոց, որտեղ ըստ էության ոչնչացվել են մոտավորապես 200 զինծառայողներ՝ գտնվելով բազայի տարածքում։ Հյուսիսային ուղղությամբ ՊԲ ստորաբաժանումները ևս ունեն զգալի առաջխաղացում»,- ասաց ՊՆ ներկայացուցիչը։

Քիչ առաջ հայտարարվեց կարևոր դիրքերի շեշտակի բարելավման մասին։

«Ամբողջ ուղղությամբ մարտերը շարունակվում են։ Այսօր օրվա ընթացքում ադրբեջանական զինված ոժերը հեռահար հրթիռային և այլ օդային միջոցներից հարվածներ են հասցրել խաղաղ բնակչությանը, Ստեփանակերտին, Շուշիին և այլ բնակավայրերին։ Մեր զորքերը շարունակում են վստահաբար հաղթանակներ տանել տարբեր ռազմաճակատներում։ Մարտերը դժվար են, ծանր են, հակառակորդը մեծ ուժեր և միջոցներ է կիրառում»,- ասաց Հովհաննիսյանը։

Աղբյուր` Փաստինֆո