Փաստ ինֆո

Վարչապետի տիկին Աննա Հակոբյանն իր ֆեյսբուքյան պրոֆիլում լուսանկար հրապարակել՝ որդու հետ, որն անվանել է՝ «Երեք փխրուն աղջիկները»։ Լուսանկարը մակագրված է քաղաք Ստեփանակերտ և թվագրված սույն թվականի հոկտեմբերի 5-ին։

Լուսանկարում բացի Աննա Հակոբյանից պատկերված են վերջինիս երեք օգնականներ՝ Հասմիկ Հարությունյանը, Ալինա Կարապետյանն ու Էսթեր Սահակյանը, ինչպես նաև որդին՝ Աշոտ Փաշինյանը։

Հիշեցնենք՝ նույն օրը՝ հոկտեմբերի 5-ին Աշոտ Փաշինյանը լուսանկար էր հրապարակել, որով լայն զանգվածներին տեղեկացնում էր այն մասին, թե ինքը Երեւանում կամավորագրվել է, գնում է հայրենիքի հանդեպ պարտքը կատարելու, այնինչ վերջինս՝ Աննա Հակոբյանի տարածած լուսանկարից դատելով, գտնվում է փխրուն աղջիկների և մոր հետ։

Տեղեկացնենք, որ ըստ նույն Հակոբյանի երեկվա՝ հոկտեմբերի 6-ի գրառման համաձայն, վերջինս մեկ անգամ ևս հաստատեց, որ տղան իր կողքին է՝ Ստեփանակերտում։

Մենք, անշուշտ ամենևին չենք ողջունում 21 տարեկան երիտասարդներին համատարած կերպով առաջնագիծ ուղարկելու իշխանության որդեգրած քաղաքականությունը, եթե, իհարկե, դա հայրենիքի պաշտպանության հրատապ պահանջը չէ, բայց և այնպես չենք էլ կարող չնկատել փաշինյանների ընտանիքի կողմից ոչ մի կերպ չդադարող էժանագին PR քայլերում սեփական ընտանիքի անդամներին և մասնավորապես զավակներին գործիք դարձնելու անընդունելի պահվածքը։ Ստացվում է, որ ինքը՝ Աննա Հակոբյանն ու նրա ամուսինը՝ Նիկոլ Փաշինյանը հանրությանը պարբերաբար իրազեկում են այն մասին, որ իրենց որդին մեկ պահեստազորայինների խմբի մեջ է, մեկ՝ կամավորագրվել է, բայց արդյունքում նա ոչ թե զինվորական ծառայության մեջ է, այլ մոր և երեք փխրուն աղջիկների կողքին՝ Ստեփանակերտ քաղաքում։

Այսպիսով՝ պատերազմող երկրում ինչ օրինակ է ծառայում վարչապետի ընտանիքը, որ կարելի է կամավորագրվել, բայց առաջնագծի փոխարեն մնալ մայրիկների կողքը, իսկ եթե այս օրինակին հետեւեն այլ կամավորներ եւս՞։

Ես որդուս ասել եմ՝ քեզ պաշտում եմ, բայց հայրենիքի համար զոհվելուց ավելի վեհ բան էս աշխարհում չկա․ Աննա Հակոբյանը

Աղբյուր` Փաստինֆո