Փաստ ինֆո

Ռուս-իսրայելական ճանապարհորդ եւ բլոգեր Ալեքսանդր Լապշինը գրում է.

«Ինչպես արդեն ասել եմ հոկտեմբերի 3-ին եւ 4-ին Հայաստանի ԶԼՄ-ների համար իմ բազմաթիվ հարցազրույցների ժամանակ, պետք է սպասել Ադրբեջանի բանակի երկրորդ եւ վերջին հարձակմանը մոտավորապես այսօր՝ հոկտեմբերի 6-ի երեկոյան: Ես սխալվեցի միայն մեկ հարցում. հարձակումն սկսվեց ոչ այնքան երեկոյան, այլ մի քանի ժամ առաջ՝ Երեւանի ժամանակով 15: 00-ին: Կարդացի ՀՀ պաշտպանության նախարարության մամուլի քարտուղար Շուշան Ստեփանյանի գրառումն առ այն, որ դաժան մարտեր են ընթանում Ղարաբաղի հարավային հատվածում։

Ես նաեւ ասացի դեռ երեք օր առաջ, որ կրկնակի հարձակումը կլինի բռնապետ Ալիեւի վերջին հուսահատ ցանկությունը՝ ապացուցելու համար իր ժողովրդին, որ նա մեծ փարավոն է եւ հողեր վերադարձող: Կարծում եմ, որ հայ զինվորականները ստիպված կլինեն մի փոքր նահանջել 5-7կմ պաշտպանության երկրորդ-երրորդ գծի վրա։ Բայց մոտավորապես հոկտեմբերի 8-ին երեկոյան ադրբեջանցիները վերջնականապես կհանգստանան, գրոհը կդադարեցվի։ Այդ ժամանակ հայկական ստորաբաժանումները կանցնեն հարձակման և կվերադառնան սահմանի սկզբնական գիծ արդեն հոկտեմբերի 9-10-ը։

Հոկտեմբերի 11-12-ը, կարծում եմ, պատերազմն ընդհանուր առմամբ կավարտվի, և կողմերին կպարտավորեցնեն հրադադարը։ Հուսով եմ, որ այդ պահին հայկական ստորաբաժանումները կկարողանան ոչ միայն վերադառնալ նախկին սահմանագծին, այլեւ ռազմավարական կետեր զբաղեցնել բուն Ադրբեջանի տարածքի ներսում, ավելի մոտ լինելով Բաքու-Թբիլիսի-Ջեյհան խողովակաշարին եւ մանչեսթրյան ՀԷԿ-ին:

Կարծում եմ՝ Բաքվում արդեն անհեթեթ բացատրություններ են մշակվում սեփական ժողովրդի համար, թե ինչու է Ադրբեջանը պարտվել պատերազմում։ Ենթադրում եմ՝ որ կասեն «հայերի փոխարեն կռվել է Ռուսաստանը» և «մեզ դավաճանել են»։ Բայց Իլհամ Ալիևին դա չի փրկի։ Նրա, առանց այդ էլ թույլ իմիջն, ավելի ցածր կընկնի:

Հ. Գ. Որքան էլ տարօրինակ է, բայց հենց Թուրքիայի միջամտությունն է հայերին թույլ տալու հաղթել։ Եթե պատերազմն Ադրբեջանի հետ դեմ առ դեմ ընթանար, ապա Եվրոպայի, Ռուսաստանի և Նահանգների նման աջակցություն չէր լինի։ Հայերի հարձակումը կկասեցնեին, որպեսզի Ալիևին թույլ տային պահպանել դեմքը։ Բայց ոչ ոք չի ցանկանում Կովկասում Թուրքիայի ուժեղացումը: Ուստի Հայաստանի հաղթանակը ձեռնտու է բոլորին»։

Աղբյուր` Փաստինֆո