Փաստ ինֆո

«Առավոտյան հակառակորդը լայնածավալ հարձակում է սկսել հարավային ուղղությամբ , մեր զորքերը համառ մարտեր են մղում ՝ հետ շպրտելով հակառակորդին։ Նույն ժամանակ ինտենսիվորեն Ադրբեջանի ԶՈՒ-երը սկսել են հրթիռակոծել Ստեփանակերտը։ Այս պահին տուժածների մասին ճշգրտումներ են կատարվում»,- այս մասին ճեպազրույցի ժամանակ ասաց ՀՀ ՊՆ ներկայացուցիչ Արծրուն Հովհաննիսյանը։

Ռազմաճակատում գիշերը համեմատաբար հանգիստ է եղել, որոշ հատվածներում փոխհրաձգությունները պահպանվել են, բայց վաղ առավոտյան ամեն ինչ սկսեց սաստկանալ։

Հովհաննիսյանը նշեց, որ քիչ առաջ ապատեղեկատվություն տարածվեց ադրբեջանական կողմից, իբր Հայաստանի որոշ շրջաններից հրթիռակոծվում են ադրբեջանական նշանակետերը, դա լիովին ապատեղեկատվություն է, այն տեսանյութը, որ փորձել են ներկայացնել որպես ապացույց, որևէ բան չի հաստատում , թե որտեղի՞ց են կիրառվում, և հարց է Հայաստանյան հատվածից է, Արցախի թե այլ պատերզամի մասին է տեսանյութը։

«Նկատենք, որ հաճախ Արցախի որոշ շրջաններ այս կամ այն կերպ, ուղղակի կամ անուղղակի ճանաչում են որպես Հայաստանի մաս, արդեն որերորդ անգամ է այս գիծը տարվում է ադրբեջանական լրատվամիջոցներում»,- ասաց Հովհաննիսյանը։

Աղբյուր` Փաստինֆո