Փաստ ինֆո

Լեռնային Ղարաբաղում 93 վարձկաններ են սպանվել Սիրիայից, նրանցից 53-ի մարմինները նախօրեին տեղափոխվել են Սիրիա: Այս մասին ՌԻԱ Նովոստի - ին հայտնել են սիրիական ընդդիմության աղբյուրները, որոնք ծանոթ են իրավիճակին:

«Նախօրեին Սիրիա են տեղափոխվել 53 վարձկանների մարմիններ» «...» «Այսպիսով, սպանված սիրիացի վարձկանների ընդհանուր թիվը կազմում է 93 մարդ», - պատմել է գործակալության զրուցակիցներից մեկը:

Բացի այդ, ըստ նրա, անցած հանգստյան օրերին Լեռնային Ղարաբաղի հակամարտության գոտի է մեկնել սիրիացի վարձկանների երրորդ հոսքը: «Ուղարկվել է 430 մարդ», - ասել է աղբյուրը:

Սիրիական ընդդիմության մեկ այլ աղբյուր ավելի վաղ ՌԻԱ Նովոստիին հայտնել էր, որ հոկտեմբերի 1-ի դրությամբ Ղարաբաղում 322 «լավ զինված» սիրիացի վարձկաններ են գտնվել:

Ֆրանսիայի նախագահ Էմանուել Մակրոնն ավելի վաղ հայտարարել էր, որ 300 սիրիացի գրոհային տեղափոխվել է Բաքու՝ թուրքական Գազիանթեփ քաղաքով: Նրա խոսքով՝ այդ մարդիկ նույնականացված են, պատկանում են Հալեպի շրջանում գործող խմբավորմանը։ Ադրբեջանի նախագահ Իլհամ Ալիեւը Մակրոնի հայտարարությունից հետո Ֆրանսիայից ներողություն է պահանջել՝ ընդգծելով, որ Ադրբեջանը վարձկաններ չունի:

Ռուսաստանի ԱԳՆ-ն իր հերթին մտահոգություն է հայտնել Լեռնային Ղարաբաղի հակամարտության գոտի անօրինական զինված կազմավորումների զինյալների տեղափոխման վերաբերյալ հաղորդումների կապակցությամբ: Ռուսական կողմի ստացվող տեղեկությունների համաձայն ՝ այնտեղ իրականացվում է ԱԶԿ (Ապօրինի զինված կազմավորումներ) զինյալների տեղափոխումը, մասնավորապես Սիրիայից եւ Լիբիայից՝ մարտական գործողություններին անմիջական մասնակցության համար:
Այդ թեման բարձրացվել է նաև ՌԴ նախագահ Վլադիմիր Պուտինի և ՀՀ վարչապետ Նիկոլ Փաշինյանի հեռախոսազրույցի ընթացքում։ Ինչպես հայտնել Է Կրեմլի մամուլի ծառայությունը՝ առաջնորդները լուրջ մտահոգություն են հայտնել Մերձավոր Արեւելքից զինյալների ներգրավվածության մասին տեղեկատվության կապակցությամբ:

Աղբյուր` Փաստինֆո