Փաստ ինֆո

«Հոկտեմբերի 5-ին տեղի է ունենալու Հայկի ժամը, որով պայմանավորված տիեզերքում էպոխալ փոփոխություններ են տեղի ունենում։ Արդեն 2012 թվականին ջրածնի ատոմը փոփոխության է ենթարկվել, պրոտոնն իր արժեհամակարգն էր փոխել՝ ավելի թեթևացել էր, հետևաբար այդ ամենը պետք է բերեր աշխարհաքաղաքական վայրիվերումների, որովհետև հին աշխարհակարգը պետք է քանդվի, ինչպես որ Մհերն է ասել՝ ես դուրս կգամ քարի տակից այն ժամանակ, երբ աշխարհաքաղաքական կարգը կփոխվի,- ասում է անկախ փորձագետ Վազգեն Գևորգյանը, «Փաստինֆո»-ի հետ զրույցում անդրադառնալով վերջին օրերին աշխարհի մասշտաբով տեղի ունեցող գլոբալ փոփոխությունների թեմային,- եկել է ժամանակը հասկանալու, որ բոլոր գերտերությունները տիեզերքում փոշու հատիկ են և իրենց սխալ գործունեությունը բերելու է հենց իրենց իսկ կործանմանը։ Այստեղ պետք է ասեմ, որ հայ ժողովրդին ոչինչ չի պատահելու, որովհետև մեր ժողովրդի պահապանը հենց տիեզերքն է։ Ո՞ւր է Բաբելոնը, որտե՞ղ է Ասորեստանը, ի՞նչ պատահեց Բյուզանդիայի հետ...Բայց մենք կանք ու մենք լինելու ենք՝ կա մեր գիտակցությունը, մեր մշակույթը և նույնիսկ մեր հնագույն գիտելիքները կան։ Մենք պետք ենք տիեզերքին, մեզ վերացնելով ոչ մի հարց չի լուծվելու, իսկ մենք չենք վերանալու։ Այս խոսքերն ուղիղ մեզ վերացնել փորձողներին եմ ուղղում, որովհետև այս գոյաբանական աշխարհից այն կողմ գոյություն ունի նաև զուգահեռ աշխարհ, որն ամենակարևորն է։

Հայ ժողովուրդը, ինչպես մայանները, կբացի այդ պորտալի դուռն ու կգնա, բառի բուն իմաստով, դեպի պայծառ ապագան։ Սա ոչ միստիկա է, ոչ հորինվածք, սա գիտություն է՝ բնագիտություն, տիեզերագիտություն, որին հայ ժողովուրդը հնուց ի վեր և հիմա էլ տիրապետում է։ Ինչո՞ւ է մեր թշնամին զավթող և արնախում, որովհետև լինելով ցածրակարգ, քոչվոր ցեղ, զուրկ է տիեզերական այս գիտությունից»,- ասում է անկախ փորձագետ Վազգեն Գևորգյանը։

Խոսելով Արցախի և Հայաստանի Հանրապետության սահմաններին թշնամու սանձազերծած աննախադեպ ռազմական ագրեսիայի թեմային, որում ներգրաված է ոչ միայն ագրեսոր Ադրբեջանն, այլ նաև ցեղասպան Թուրքիան, Վազգեն Գևորգյանն ընդգծում է.«Մեր երկրի սահմաններին հիմա կենտրոնացել է 4000 ամյա տիեզերական աշխարհների կռիվը՝տիեզերական և երկրային։ Այլ կերպ ասած, Բաբելոնի աշտարակաշինությունը, որ հազարամյակներ առաջ խախտեց աշխարհակարգը, մեկ պրեցեսիան շրջան անց՝ 4300 տարի հետո կրկին հիշեցնել է տալիս իր մասին։ Եկել է իր հոգեվարքի ժամանակը, բայց մինչև անգամ այս պահին՝ հոգեվարքի մեջ նա ավելի է ահագնացել։ Հիմա բացահայտ պայքար է գնում՝ ոչ մեկն այլևս ոչինչ չի թաքցնում։ Թուրքիան բացահայտ կերպով խոսում է նոր ցեղասպանություն կատարելու իր մտադրությունների մասին։

Նա նույնիսկ այլևս դիվանագիտական լեզվից չի օգտվում։ Իր այս հրեշավոր ծրագրի իրականացման համար նա օգտագործում է իր գաղափարակցին, բայց ինչ խաղ, որ նրանք հանձն են առել, հենց այդ ուղին էլ իրենք կտանի վերջնական կործանման։ Հիմա այս իրավիճակում շատ կարևոր է, որպեսզի մենք չմոռանանք մեր դաշնակից և բարեկամ երկրների մասին, որոնք են Իրանն ու Ռուսաստանը։ Հիմա, ավելի քան երբևէ մենք պետք է միասին գործենք, սա է մեր հաղթանակի գրավականը»,- ասում է Վազգեն Գևորգյանը։

Հարցին՝ ի՞նչ է սպասում մեզ հոկտեմբերի 5-ին, ի՞նչի մասին է հուշելու մեզ երկնակամարում Հայկ Նահապետի փայլատակող աստղը։ Անկախ փորձագետը պատասխանում է՝ տիեզերքը մեկ անգամ ևս մեզ հուշում է, որ օգնելու է մեզ։ Մեզանից պահանջվում է լսել օգնության այդ ձայնը։

Մենք հաղթելու ենք, բայց ցավոք, վճարելու ենք դրա գինը՝ զոհերի տեսքով։ Միևնույն է սակայն, սա մեր վերջին պայքարն է, հաղթական պայքարը, որ մենք հենց հիմա տանում ենք մեր դարավոր թշնամիների դեմ ու նրանք պետք է իմանան, որ իրենց պարտությունն անխուսափելի է»։

Մանրամասները՝ տեսանյութում

Հեղինակ՝ Նվարդ Մանվելյան

Աղբյուր` Փաստինֆո