Փաստ ինֆո

Արցախի և ՀՀ սահմանները հարձակման տակ են թուրք-ադրբեջանական ԶՈՒ-երի, ինչպես նաև՝ իսլամական տարբեր հանցագործ խմբավորումների կողմից, որոնց Թուրքիան բերել է Սիրիայից և օգտագործում է մեր հայրենիքի սահմանների դեմ: Այս մասին ասուլիսի ընթացքում ասել է Սփյուռքի գործերով գլխավոր հանձնակատար Զարեհ Սինանյանը:

«Այսօր դրվել է մեր՝ ամբողջ ազգի լինելու կամ չլինելու հարցը, որովհետև վտանգված է ոչ միայն Արցախը, այլև՝ ամբողջ Հայաստանը:Թուրքիան իր խամաճիկ և իրականում պետականության հետ որևէ նշույլ չունեցող Ադրբեջանի հետ միասին մեր դեմ են նետել իրենց ԶՈՒ-երը, տասնյակ միլիարդավոր դոլարների միջոցով ձեռք բերված զենքն ու զինամթերքը, տարբեր տերորիստական խմբավորումներ Սիրիայից այն հույսով, որ կարող են մեզ ահաբեկել, կարողանալու են մեզ ջարդել, կարողանալու են մտնել մեր քաղաքներն ու գյուղերը և սպանդի ենթարկել մեր ժողովրդին»,- ասաց Սինայանը:

Սինայնանն ընդգծեց, որ հակառակորդը չէր սպասում, թե ինչպիսի համառությամբ և հերոսությամբ է հայ մարդը պաշտպանելու իր սահմանը, կարծում էին, որ մտնելու են Ստեփանակերտ, Մարտակերտ, Ասկերան, սակայն չեն կարողացել որևէ արդյունքի հասնել, չեն կարողացել ոչ մի գյուղ գրավել և իրենց խայտառակությունը ծածկելու համար Իլհամ Ալիև կոչվածը և իր տերը՝ Ռեջեփ Էրդողանը հայտարարում են, որ ազատագրել են այս գյուղը, այն գյուղը և չի կարող գեթ մեկ տեսաերիզ ցույց տալ գոնե մեկ գյուղից, որը կարողել են «վերցնել» մեզնից: Սինանյանի խոսքով՝ մենք չենք ոչնչանալու, որովհետև սա 1915թ չէ, մենք անզեն խաղաղ բնակիչնեչ չենք, մենք ունենք զենք, ունենք պետություն, բանակ, ունենք քաղաքացիներ,որոնք գնահատում են անկախությունը:

Աղբյուր` Փաստինֆո