Փաստ ինֆո

«Հակառակորդն արդեն մի քանի օր է՝ ռմբակոծում է ոչ միայն բնակավայրերը, այլ նաեւ մայրաքաղաք Ստեփանակերտը՝ Սմերչով, Պոլոնեզով, ամենաժամանակակից հեռահար հրթիռային համակարգերով։ Ստեփանակերտի գլխին ամեն վայրկյան պտտվում են տարբեր ԱԹՍ-ներ եւ չեն դադարում հրթիռակոծել Ստեփանակերտը»,- այս մասին ասաց ԱՀ նախագահ Արայիկ Հարությունյանը։

Նախագահն ասաց, որ ուզում է՝ լինենք առաջին հերթին դուխով, վճռական, եւ հաղթանակն ապահովված է լինելու։ Նախ՝ ինչու եմ գնացել առաջնագիծ։ Մտահոգվելու բան չի եղել։ Մենք առաջին հերթին պետք է ոգևորենք մեր սպաներին, զինվորներին, որոնք իրականում ամեն օր կենաց մահուց կռիվ են տալիս թշնամու դեմ։

«Ուզում եմ փառքով նշել , որ բանակը ամբողջությամբ կատարում է իր առջև դրված խնդիրը՝ հրամանատարից՝ գեներալ Հարությունյանից, մինչև շարքային զինվոր, որը գտնվում է առաջնագծում»,- ասաց Հարությունյանը։

Եվ այսօր, ինչպես նախագահը նախկինում տեղեկացրել էր, առաջին անգամ իր հրամանով Արցախի ԶՈՒ ստորաբաժանումները համազարկ են տվել։

«Նշել էի ժամանակին, հուշել էի ժամանակին, զգուշացրել էի։ Ափսոսում եմ, որ մեր պատմական Գանձակին՝ Գյանջային, Կիրովաբադին ենք խփել՝ նրանց զինվորական մշտական տեղակայման վայրերին։ Խփել ենք, որովհետեւ նրանք են պարտադրել։ Ուշքի' եկեք, որովհետեւ շարունակելու ենք այլ քաղաքների էլ: Այս կրակը եղել է նախազգուշացման կրակ»,- ասաց Արայիկ Հարությունյանը։

ԱՀ նախագահը դիմեց հայրենակիցներին, սփյուռքում եւ Հայաստանում բնակվողներին։

«Սա սրբազան պատերազմ է, հայրենական պատերազմ է։ Ուզում եմ, որ այս համախմբվածությունը շարունակի մնալ՝ օգնելու մեր տարհանվածներին։ Ուզում՝ եմ համախմբվենք իշխանությունների շուրջ, որովհետեւ այսօր, քան երբեւէ, ԱՀ եւ ՀՀ իշխանության դերը բարձր է, պատասխանատու է, վճռորոշ է։ Ուզում եմ՝ բոլորս միասին պայքարենք Ադրբեջանի դեմ, բայց ո՛չ ադրբեջանցիների»,- ասաց Արայիկ Հարությունյանը և ավելացրեց՝ ամեն ինչի համար պատասխան է տալու Ալիեւի ընտանիքը։

Աղբյուր` Փաստինֆո