Փաստ ինֆո

Այսօր Գյանջայի՝ պատմական Գանձակի օդանավակայանին հասցված հարվածից հետո մենք պարզ տեսանք, թե Ալիևն ինչ մկարդարդակի թքած ունի սեփական քաղաքացիների վրա: Այս մասին ճեպազրույցների ընթացքում ասել է ՀՀ ՊՆ ներկայացուցիչ Արծրուն Հովհաննիսյանը:

«Բացարձակ ոչ մի աշխատանք չի կատարվել: Մեկ շաբաթ է` պատերազմ է գնում, մեկ շաբաթ է ակտիվ ռազմական գործողություններ են ընթանում, բայց Ալիևը որևէ քայլ չի ձեռնարկել բավականին մեծ քաղաքի քաղաքացիական պաշտպանություննը կազմակերպելու և բնակչության անվտանգությունն ապահովելու տեսանկյունից »,- ասաց Հովհաննիսյանը:

Ընդ որում՝ դա այն դեպքում, երբ Ադրբեջանի ԶՈՒ-երը, հստակ տիրապետելով, որ իրենց իսկ արդեն մեկ շաբաթ տևող հարվաներից հետո, որոնք ուղղված էին Արցախի խաղաղ բնակչությանը, բնակավայրերին, խոշոր քաղաքներին, քաղաքացիական ենթակառուցվածքներին, Արցախի ԶՈՒ-երը կարող են պատասխան հարված հասցնել ռազմական հատուկ նշանակետերին, որևէ քայլ չեն կատարել սեփական ժողովրդի անվտանգությունն ապահովելու համար: Հովհաննիսյանն ընդգծեց, որ այսօր Ադրբեջւանի ԶՈՒ-երը որևէ նշանակալի մարտավարական գործողություն չեն կարողացել իրականացնել և, կրելով կորուստներ, հետ են շպրտվել, նաև այն պատճառով, որ թուրքական ԶՈՒ-երի ամենագործուն նշանակությունն այսօր չեզոքացվել էր՝ շնորհիվ մեր հակաօդային և այլ ստորաբաժանումների գործողությունների:

Հովհաննիսյանի խոսքով՝ նրանց կորուստներն այնպիսին են, որ թուրքական օդուժը, թուրքական ԱԹՍ-ները չեն կարողացել աշխատել, դրա համար այսօր կորուստներն ավելի շատ են եղել, առաջխաղացումը՝ չնչին, փախուստը՝ ավելի շատ, դրա համար էլ քաղաքների գրավման հորինված թվիթներ ենք տեսնում։

Աղբյուր` Փաստինֆո