Փաստ ինֆո

«Այն բոլոր շահագրգիռ միջազգային կառույցները, որ վերջին տարիներին զբաղված են եղել հակամարտության կարգավորմամբ, նրանք ավելի ազդեցիկ, ավելի գործուն միջոցներով պետք է կարողնանան ազդել։ Ինձ թվում է՝ այսօր և վաղը շատ վճռական են մեր միջավայրը ամբողջացնելու և մեր գործողություններն ավելի կոնկրետացնելու համար»,- այս մասին ճեպազրույցի ժամանակ ասաց ԱՀ ԱԺ նախկին նախագահ Աշոտ Ղուլյանը։

«Այստեղ ուժերի կենտրոնացում, ուժերի բևեռացում է տեղի ունենում, քանի որ մենք ունենք 92-94 թվականների արցախյան առաջին պատերազմի, 2016 թվականի ապրիլյան պատերազմի նախաօրինակները, պետք է փորձենք դրանք այսօր էլ կիրառել, բայց պետք է հաշվի առնենք, որ ժամանակները փոխվում են, մենք պետք է նաև այս փոփոխված ժամանակի իրողությունները հաշվի առնենք»,- ասաց Աշոտ Ղուլյանը։
ԱՀ ԱԺ նախկին նախագահը մեկ անգամ էլ հիշեցրեց՝ սպասելիքները բոլորովին ուրիշ էին միջազգային կառույցներից։

«Այստեղ խոսքը վերաբերում է Թուրքիային և Ադրբեջանին, կարևոր է՝ հենց նրանց հանդեպ լինի այն ազդեցությունը, ներգործող միջոցները, որ թույլ կտա, որպեսզի ակտիվ ռազմական գործընթացները տեղափոխվեն այլ փուլ»։

Ըստ Ղուլյանի՝ մենք ուզում էինք ժամ առաջ տեսնել այն ազդեցությունը, որ այդ կառույցները պետք է ունենան և փորձում են ունենալ տարածաշրջանի հակամարտությունների վրա։

«Թե նախորդ տարիներին, թե հիմա Ադրբեջանի քաղաքական վարքագիծը բոլորովին ուրիշ է, ինձ թվում է նրանք կրկնօրինակում են Թուրքիային։

Շատ տարօրինակ է, որ Ադրբեջանի և Թուրքիայի դեպքում կարող է լինել մեկ ազգ՝ երկու պետություն, իսկ մնացածների համար այդ թեման փակ է»։

Աշոտ Ղուլյանը հիշեցրեց՝ Ադրբեջանն իր վարքագծով միջազգային պայմանավորվածություններից իրեն դուրս է տեսնում։

Աղբյուր` Փաստինֆո