Փաստ ինֆո

Թուրքիայի նախագահ Ռեջեփ Թայիփ Էրդողանը համարում է, որ Երուսաղեմը թուրքական հող է:

Այդ մասին նա ասել է՝ ելույթ ունենալով իշխող «Արդարություն եւ զարգացում» կուսակցության պատգամավորների հետ հանդիպման ժամանակ: Այս մասին հաղորդում Է "Times of Israel"-ը:

«Այդ քաղաքում, որը մենք ստիպված էինք լքել արցունքներով Առաջին համաշխարհային պատերազմի ժամանակ, մինչ այժմ կարելի է հանդիպել Օսմանյան դիմադրության հետքեր: Եվ այսպես, Երուսաղեմը մեր քաղաքն է, քաղաք՝ մեզնից», — ասել է պետության ղեկավարը թուրքական խորհրդարանում ունեցած իր ծավալուն ելույթի ժամանակ: - Մեր առաջին քիբլան (աղոթքի ուղղությունը դեպի իսլամական սրբավայրեր) դեպի Երուսաղեմի «Ալ Աքսա» մզկիթ»:

«Եվս մեկ ճգնաժամ, որին ուշադիր հետեւում են մեր երկիրն ու մեր ազգը, Իսրայելի կողմից պաղեստինցիների ճնշումն է», — շարունակել է Էրդողանը: «Երուսաղեմի հարցը մեզ համար սովորական աշխարհաքաղաքական խնդիր չէ։ Առաջին հերթին՝ Հին քաղաքի ներկայիս տեսքը, որը սիրտն է Երուսաղեմի, կառուցվել է (օսմանյան սուլթան) Սուլեյման Հիանալիի կողմից, իր պատերի, բազարի եւ բազմաթիվ շենքերով հանդերձ: Մեր նախնիները դարեր շարունակ հարգանք են ցուցաբերել՝ բարձր գնահատելով այս քաղաքը»։

Պաղեստինի Ժողովուրդը Երուսաղեմում ապրել է «հազարավոր տարիներ», բայց բռնազավթվել է, եւ նրա իրավունքները խախտվել են, եզրափակել է Թուրքիայի առաջնորդը:

Իսրայելի ԱԳՆ-ն դեռ չի մեկնաբանել Էրդողանի հայտարարությունը:

Օսմանյան կայսրությունը տիրել է Երուսաղեմին 1516-1917 թթ: Ժամանակակից Թուրքիայի Հանրապետությունը՝ նրա իրավահաջորդը, վաղուց էր ընդգծում իր ամուր կապը Սուրբ քաղաքի հետ՝ պարբերաբար դատապարտելով այն «հուդայականացնելու» Իսրայելի ենթադրյալ փորձերը, ինչպես նաեւ ԱՄՆ վարչակազմի կողմից 2017 թվականի դեկտեմբերին Երուսաղեմը Իսրայելի Պետության մայրաքաղաք ճանաչելը, հիշեցնում Է հրատարակությունը:

Աղբյուր` Փաստինֆո