Փաստ ինֆո

Այսօր շատ ծանր մարտական գործողություններ են ընթացել հյուսիսում և հարավում, հատկապես՝ հարավում: Հակառակորդը փորձել է լայնածավալ հարձակում իրականացնել՝ օգտագործելով մեծաքանակ զրահատեխնիկա, հրետանի, փորձել է ռազմաճակատի գիծը ճեղքել: Այս մասին ճեպազրույցների ընթացքում ասել է ՀՀ ՊՆ ներկայացուցիչ Արծրուն Հովհաննիսյանը: Նրա խոսքով՝ ծանր և համառ մարտերից հետո հակառակորդի առաջխաղացումը հնարավոր է եղել կասեցնել՝ պատճառելով նրան մեծ կորուստներ: Միայն մարտական գործողությունների՝ անդադար մարտերի տևողությունը եղել է 6-7 ժամ: Մարտերը, ՝ Հովհաննիսյանը փոխանցմամբ, եղել են ծանր և դժվար. հասկանալի է, որ այդ ամենը հեշտությամբ չի տրվում մեր զորքերին:

Նրա փոխանցմամբ՝ այս ընթացքում ընդհանուր առմամբ հակառակորդը կորցրել է շուրջ 2300 անձնակազմ, միայն անցնող օրվա ընթացքում՝ 440-450 զինծառայող կամ ոչ զինծառայող՝ ահաբեկիչ, տվել է մոտավորապես 800-900 վիրավոր, միայն այսօր հաջողվել է խոցել մարտի մեջ մտած մոտավորապես 45 զրահատեխնիկա:

«Այսօր մեր զորքերին հաջողվել է նաև մարտերի մեջ չմտած՝ երթի ընթացքունմ կամ այլ պրոցեսի ընթացքում գտնվող շուրջ 8-9 տասնյակ զրահատեխնիկա խոցել հեռահար կրակով: Սա աննախադեպ հաջողություն պետք է համարենք: Միայն այսօր հնարավոր է եղել խոցել 10 ԱԹՍ, ընդհանուր առմամբ հակառակորդի ԱԹՍ-ների խոցումը կազմում է 113 միավոր»,- ասաց նա՝ ընդգծելով, որ հակառակորդի ընդհանուր զրահատեխնիկայի կորուստը կազմում է 250 միավոր, միայն այսօր խոցվել է 3 «Սմերչ» կայան, 3 ինքնաթիռ, 1 ուղղաթիռ:

«Ահա այսպիսի ծանր մարտեր են մղվում հյուսիս և հարավի ուղղությամբ, մեր զորքերը ցուցաբերում են աննախադեպ քաջություն, հմտություն, գրագիտություն և չեն նահանջում, կասեցնում են հակառակորդի դժվար, մեծ թափ և մեծ կրակային խտություն ունեցող հարձակումները»,- նշեց Հովհաննիսյանը՝ հավելելով, որ մարտերն այնքան թեժ են, հաճախ իրավիճակներն այնքան ծանր է լինում, որ ամփոփիչ տվյալները ստանում են բավականին ուշ:

Աղբյուր` Փաստինֆո