Փաստ ինֆո

Վերջին օրերին հրետակոծվել են խաղաղ բնակավայրեր՝ Ստեփանակերտ քաղաքում և բոլոր շրջաններում, մասնավորապես՝ Մարտունիի, Մարտակերտի, Հադրութի, Ասկերանի, Քաշաթաղի, Շահումյանի շրջաններում բազմաթիվ գյուղեր և քաղաքներ: Խաղաղ բնակչության շրջաններում կան վիրավորներ, տուժածներ: Այս մասին ճեպազրույցների ընբթացքում ասել է ԱՀ պետնախարար Գրիգորի Մարտիրոսյանը:

«Քիչ առաջ Ստեփանակերտ քաղաքը նույնպես հրետակոծվեց »,- նշեց Մարտիրոսյանը՝ ընդգծելով, որ խաղաղ բնակչության շրջանում կան տուժածներ,զոգհերի մասին տեղեկություններն այս պահին ստուգվում են, վնասվել են քաղաքացիական օբյեկտներ:

Նա արձանագրեց, որ վերջին օրերի պարբերաբար թիրախավորվում են տարբեր քաղաքացիական օբյեկտներ, բնակելի տներ, իսկ արդեն վաղվանից նախատեսվում է սկսել նաև խաղաղ բնակչության շրջանում բնակելի շենքերի և օբյեկտների վերանորոգում և վերականգնում: Բացի դա՝ Մարտիրոսյանը նշեց, որ այս պահի դրությամբ Արցախի համար ընդհանուր հավաքագրված գումարը գերազանցում է 19 մլն ԱՄՆ դոլարը, կա նաև իրային օգնություն: Նրա խոսքով՝ կառավարության սահմանած կարգի համաձայն՝ այդ օգնության տրամադրումը կլինի ավելի կանոնակարգված, հիմա մշակվում է այդ պրոցեսի ընթացա կարգերը, օգնությունը կտեսակավորվի, ծառայությունների միջոցով կտեղափոխվի Արցախ: Ինչ վերաբերում է Հայաստան-Արցխ փոխադրումներին, ապա վաղվանից կգործի թեժ գիծ, որը կտա պատասխաններ Հայաստան-Արցախ փոխադրումների և ելք-մուտքի մասին:

Մարտիրոսյանն ընդգծեց, որ նույնիսկ պատերազմական իրավիճակում՝ մեր հարկատուները նախորդ 9 ամսում վճարել են նախատեսվածից 200 մլն դրամով ավելի, ինչը նույնպես հայրենասիրության դրսևորում է, աշխատողներին էլ ժամանակին վճարվում են բոլոր աշխատավարձերը, որ նախատեսված էին պետական բյուջեով, նույն կերպ թոշակներն ու նպաստներն են վճարվելու և այս առումով խնդիր չի լինելու:Ինչ վերաբերումն է կոմունալները չվճարելուն, ապա, պետնախարարի փոխանցմամբ, չվճարման դեպում Արցախում անջատումներ չեն լինի:

Աղբյուր` Փաստինֆո