Փաստ ինֆո

«Ուզում եմ իմ հիացմունքի խոսքն ասել զինվորների սխրագործության կապակցությամբ։ Վստահ եմ, որ այդ սխրագործությունը և ժողովրդի միասնությունը թույլ կտա հայ մարդուն շարունակել բազմադարյա երթը հայրենի բնօրրանում»,- այս մասին ճեպազրույցի ժամանակ հայտնեց ԱՀ ԱԺ մտական հանձնաժողովի նախագահ, ՀՅԴ խմբակցության քարտուղար Վահրամ Բալայանը։ Վերջինս ասաց, որ հարցը չի լուծվում ռազմի դաշտում, լուծվում է նաև քաղաքական ասպարեզում և տեղեկատվական դաշտում։

«Ցավոք սրտի, ինչ- որ տեղ քաղաքական գործընթացները, այդ թվում տեղեկատվական դաշտում կատարվածը, համարժեք չէ ռազմի դաշտում տեղի ունեցածին։ Նախաձեռնողականությունը պետք է մի քիչ ավելի մեծացնել, որովհետև համաշխարհային հանրությունը տեղյակ չէ ինչ է կատարվում Արցախում»։

Բալայանը նշեց, որ հետևել է երեկվա Ալիևի ելույթին, որը ներկայացնում էր իր տեսակետը։ ԱՀ ԱԺ պատգամավորն ասում է, որ Ալիևի սուտը մարսվում է․

«Կարծում եմ, մեր բարեկամների հետ միասին պետք է փորձենք ցրել կեղծիքը և ցույց տանք, որ այսօր, այստեղ հողի համար պայքար չէ։ Հայ մարդը չի կռվում տարածքի համար, այլ ազատ ապրելու իր իրավունքը իրացնելու համար իր հայրենիքում»,- ասաց Բալայանը հավելեց, որ միջազգային հանրության կողմից հետաքրքրությունը մեծացել է, որովհետև այս հակամարտությունը միայն հայերի և թուրքերի միջև չէ, ավելի գլոբալ նշանակություն ունի և միջազգային հանրության պասիվ մասնակցությունը թույլ կտա, որպեսզի բոցը տարածվի մյուս տարածաշրջաններում։

«Պատահական չէ, որ վերջին շրջանում ՄԱԿ-ից սկած մինչև ԱՄՆ և Ռուսաստան, կոչեր ենք լսում ուղղված երկու կողմերին՝ դադարեցնելու ռազմական գործողությունները, բայց այդ կոչերին զուգահեռ պետք է կոնկրետ քայլեր ձեռնարկել, որոնք դիվանագիտության մեջ չի երևում, պետք է գործնական քայլեր ձեռնարկել, մենք մտահոգ ենք նրա համար, որովհետև մարդ է զոհվում, որը իրավունք ունի ապրելու և ստեղծագործելու։ Պատերազմը մեր ճակատագիրն է, մենք պարտավոր ենք այդ խաչը մեզ վրա կրել, բայց հանուն արդարության և տարածաշրջանի խաղաղության՝ հանրությունը պետք է գործնական քայլերի դիմի»,- ասաց Բալայանը։

Աղբյուր` Փաստինֆո