Փաստ ինֆո

«Մենք կոչ ենք արել սփյուռքին, լոբբիստական կազմակերպություններին ակտիվ աշխատանք կատարել միջազգային կառույցների հետ»,- ասաց ԱՀ նախագահ Արայիկ Հարությունյանը՝ անդրադառնալով ֆրանսիական Լե Մոնդ պարբերականի լրագրողի հարցին՝ թե արդյոք դիմե՞լ է եվրոպական բարեկամ երկրներին՝ միջամտության համար։
«Այո, մենք համարում ենք, որ տարածաշրջանում, վաղուց, անթաքույց իր շահագրգռվածությունն է հայտնում Թուրքիան, նրանց՝ վաղուց արդեն զինվորականների և ավիացիայի մասնակցությունը դրա վառ ապացույցն է»,- ասաց նախագահը՝ անդրադարձավ այն հարցին, թե արդյոք Ադրբեջանը Թուրքիայի ձեռքում հանձնակատա՞ր է։

Նախագահը խոսեց այն գործոնների մասին, որոնք կարող են էֆեկտիվ լինել՝ պատերազմի ավարտին։

«Առաջին ֆակտորը խելքի ֆակտորն է, որը բացակայում է թշնամու մոտ։ Ե՞րբ ադրբեջանի ժողովուրդը հասկանա, որ ունի հակաադրբեջանական ժողովրդի իշխանութուն։ Պատերազմն ավարտվելու է Ադրբեջանի պարտությամբ կամ լավագույն դեպքում ոչ հաղթանակով։ Հետևանքները՝ հազարավոր կամ տասնյակ հազարավոր զոհեր, իրենց կողմից, կրկնակի ավել վիրավորներ, տնտեսության քայքայում, որը տասնամյակներ հնարավոր չի լինելու վերականգնել։ Ադրբեջանի ժողովուրդը տասնամյակներ ունենալու է սոցիալական լուրջ խնդիրնել և լարվածություն։ Իսկ նավթի պաշարները նվազում են, ֆինանսկան պահուստները վերջանում են, իհարկե հասկանում ենք, որ պետք է արդարացնեն այս ժամանակահատվածում փոշիացրած միլիարդավոր դոլարները։ Ես չեմ ուզում Ադրբեջանի տնտեսության հիմնավորումը ներկայացնեմ, որովհետև այդպիսի հնարավորություն ունեցող երկրում չի կարող լինի այսպիսի սոցիալական վիճակ։ Դատաստանը տեսնելու է հենց Ադրբեջանի ժողովուրդը»,- ասաց ԱՀ նախագահը։

Աղբյուր` Փաստինֆո