Փաստ ինֆո

«Դուք, վրացիներ, մեր եղբայրներ, բացեք սահմանները, որ օգնենք Արցախին․ դա մեր հողն է»,- վրացական լրատվամիջոցների փոխանցմամբ տեղի հայերի հավաքի ժամանակ ասել է հայերից մեկը։

Հրապարակված տեսանյութում երեւում է, որ տղամարդը մոտենում է լրագրողին ու ավելացնում.

«Եվ այդ Էրդողանին ասեք, որ նա իսկապես ոչխար է»։

Ախալցխայում հավաքվել են հայ համայնքի տասնյակ ներկայացուցիչներ, հասկանալու՝ ինչպե՞ս աջակցել հայրենիքին։

«Եկեղեցուն շունչ տվողը մարդիկ են, մենք միասնական ենք։ Մանավանդ ազգի գաղափարի շուրջ չկան տարանջատումներ։ Ունենք երիտասարդ կադրեր, հոգևորականներ, եկեք հանգանակություն հավաքենք, ի մի բերենք բոլոր գյուղերից՝ ուղղելու հայոց բանակին»,- այս մասին հայտնեց հոգևոր հովիվ Տեր Սահակը։

Վրացական գյուղերի հայ հոգևոր հովիվները հավաքական աղոթքի կոչ էին անում։ Տերունական աղոթք ասացին՝ ընկած զինվորների, հիմա սահմանին մարտնչող հայորդիների համար։

Աղբյուր` Փաստինֆո