Փաստ ինֆո

«Կարծում եմ՝ Գագիկ Ծառուկյանը օր առաջ պետք է լինի ազատության մեջ»,- այս մասին լրագրողների հետ զրույցում հայտնեց Բարգավաճ Հայաստան խմբակցության պատգամավոր Նաիրա Զոհրաբյանը՝ անդրադառնալով այն հարցին, թե խմբակցության ղեկավարը բավականին լավ հարաբերություններ ունի Բելառուսի նախագահի հետ։ 

«Հիմա մենք պետք է գնանք ազգային համաձայնության, համերաշխության ճանապարհով։ Մեր միասնությունը կարող է լինել դաժան թշնամու՝ Ադրբեջանի և Թուրքիայի դեմ, պետք է գնանք ներքաղաքական , ներազգային կոնսենսուսի ճանապարհով։ Ես ինքս Լուկաշենկոյի հետ ուղիղ կապ չունեմ, բայց այն ինչ կարող է անել Գագիկ Ծառուկյանը ՝ որևէ մեկը չի կարող անել», - ասաց նա:

Խոսելով թշնամու մասին՝ Զոհրաբյանը շեշտեց, որ Ադրբեջանն իրեն պահում է Իսլամական ահաբեկչական պետության մարդասպաններից ավելի վատ։

Խոսելով եվրոպական կառույցների մասին՝ նա ավելացրեց. «Եկեք չմտածենք, որ եվրոպական կառույցները դրախտի ֆիլալներ են ու պատրաստ են լսելու քո բաց ճշմարտությունը»: Նա ընդգծեց, որ պետք է ավելի գրագետ կարողանանք իրականացնել խորհրդարանական դիվանագիտություն, ԱԳՆ և սփյուռքի լոբբիստական աշխատանքները:

Աղբյուր` Փաստինֆո