Փաստ ինֆո

Այս պահին ընթանում են թեժ մարտեր։ Այս մասին մամուլի ասուլիսի ժամանակ ասաց ԱՀ ՊԲ հրամանատարի տեղակալ Արթուր Սարգսյանը։ 

Նա նշեց, որ հակառակորդն ունի կենդանի ուժի և զրահատեխնիկայի մեծ կորուստներ. «Ճշտված տվյալներով պաշտպանության բանակի ստորաբաժանումները, կիրառելով հակաօդային պաշտպանության միջոցները, կարողացել են խոցել 3 ուղղաթիռ, շուրջ 20 ԱԹՍ, այդ թվում հարվածային, 30 տանկ և հետևակի մարտական մեքենաներ։ Նախնական տվյալներով, ցավոք սրտի, Արցախի Հանրապետության զինված ուժերում նույնպես կան կորուստներ. 16 զոհ և 100-ից ավել վիրավորներ։ Պաշտպանության բանակի անձնակազմը, յուրաքանչյուր սպա և զինվոր իր առջև դրված մարտական խնդիրը կատարում է պարտքի բարձր գիտակցումով և պատասխանատվությամբ։ Անձնակազմի բարոյահոգեբանական վիճակն այս պահին կայուն է»,-նշեց Արթուր Սարգսյանը։

Վերջինս նկատեց՝ ինչպես Արցախյան ազատամարտի տարիներին, քառօրյա պատերազմի ընթացքում և այսօր նույնպես կառավարությունը, ուժային կառույցներն անվերապահորեն կանգնած են զինված ուժերի կողքին. «Այն ժամանակ մենք միասին մենք միասին հրաշքներ գործեցինք և պարտադրեցինք հակառակորդին աղերսելու խաղաղություն։ Ավելի քան համոզված եմ, որ այս պայմաններում, այս ընթացքում նույնպես մենք կարողանալու ենք հակառակորդին պարտադրել, որպեսզի նա նորից աղերսի իր հերթական հրադադարն ու խաղաղությունը»,-ասաց Արթուր Սարգսյանը։

Աղբյուր` Փաստինֆո