Փաստ ինֆո

«Մեր գործողություններն ի սկզբանե զուտ պաշտպանական չեն եղել, եթե այդպիսի տպավորություն է եղել, թյուր կարծիք է»,- այս մասին հայտնում է ՀՀ ՊՆ ներկայացուցիչ Արծրուն Հովհաննիսյանը։

Վերջինս այսօրվա ամփոփիչ տեղեկատվական ճեպազրույցների ժամանակ անդրադարձավ սիրիացի գրոհայինների՝ ռազմական գործողություններին մասնակցելու հարցին։

«Մանրամասները ճշտվում են, բայց մենք այս պահին տիրապետում ենք որոշակի հստակություն պարունակող տեղեկությունների և՛ գրոհայինների, և՛ ընդհանրապես Թուրքիայի միջամտության մասով, և՛ թուրքական արտադրության զինատեսակների կիրառության մասով, դրանք արդեն կասկած չհարուցող բաներ են, բայց բաներ կան, որ ճշտգրտումների կարիք ունեն, օրինակ՝ զինյալների մասը հստակեցումների կարիք ունի»,-նշեց Հովհաննիսյանը։

Հովհաննիսյանը հավելեց, որ ուսումնասիրել են թշնամու տեղեկատվական դաշտում մղվող պայքարի ոճը՝ «ի տարբերություն նախորդ հոխորտացող հաղորդագրությունների՝ Ադրբեջանն այսօր ոչ մի նույնիսկ նախկին ձեռագրին հավատարիմ որևէ նյութ չի տեղադրել, որևէ բնակավայր գրավելու մասին ևս, եղել են բարձրակոչ հայտարարություններ, բայց և կեղծ ֆոտոշոփերը, որ անում էին դա էլ չկար։ Մեկ տեսանյութ են հրապարակել, Մարտակերտից իբր հայերի լքելու մասին է, բայց մոնտաժ արած նյութ էր։ Որևէ մեկ հայկական դիրքի, տեխնիկայի խոցման կադր անգամ չեն հրապարակել։ Երկու կադր էր, բայց մեր մասնագետները գտան, որ դրանք սիրիայից են։ Դրան հակառակ մենք ներկայացրեցինք կադրեր՝ թե ինչպես են կրում մարդկային և տեխնիկայի կորուստ»։

Իսկ կան արդյո՞ք կառույցներ, որոնք ընդունում են այսօր Արցախ մեկնել ցանկացող կամավորներին, Հովհաննիսյանը պատասխանեց, որ ամեն ինչ արվում է ՀՀ օրենքով։

«Շնորհակալ ենք կամավորներին, ոչ կամավորներին՝ հայրենիքին նվիրված աշխատանքի համար՝ փաստենք մի կարևոր բան․ բոլոր նման աշխատանքներն իրականացնում է հայկական զինված ուժերը, դրանք պետք է իրականացվեն ՀՀ օրենքով, ՀՀ Զինված ուժերի վերահսկողության ներքո»։

Աղբյուր` Փաստինֆո