Փաստ ինֆո

«Եթե իշխանությունը գնա այդ ստոր քայլին ու կալանավորի Գագիկ Ծառուկյանին, ապա հանրահավաքը շատ ավելի հուժկու է լինելու», - լրագրողների հետ զրույցում հայտարարեց «Հայրենիք» կուսակցության քաղաքական խորհրդի անդամ Արսեն Բաբայանը։

Հիշեցնենք, որ այսօր Երեւանի ընդհանուր իրավասության դատարանում քննվում է ԲՀԿ առաջնորդ Գագիկ Ծառուկյանի կալանավորման միջնորդությունը:

«Հայրենիք» կուսակցության քաղաքական խորհրդի անդամ Արսեն Բաբայանը դատարան էր եկել իր աջակցությունը հայտնելու ԲՀԿ առաջնորդ Գագիկ Ծառուկյանին:
Ըստ նրա ՝ ներկայիս իշխանությունը որդեգրել է մի գործելաոճ, որ բազմիցս կիրառում է :

«Հիմա էլ փորձելու են ամեն ինչ անել , որպեսզի խոչընդոտեն հանրահավաքը»,- Ընդհանուր իրավասության դատարանի Կենտրոն նստավայրի դիմաց լրագրողների հետ զրույցում ասաց «Հայրենիք» կուսակցության քաղաքական խորհրդի անդամ Արսեն Բաբայանը։

«Իսկ իշխանությունն իր ոճի մեջ է, կորոնավիրուսն են փորձում մեջտեղ բերել, բայց չմոռանանք, նույն իշխանությունը, երբ սահմանադրական փոփոխությունների էր պատրաստվում, ընդհանրապես մոռացել էր կորոնավիրուսի մասին։ Ավելին ասեմ, այս իշխանության ամեն րոպեն շատ ավելի վտանգավոր է Հայաստանի Հանրապետության համար, քան կորոնավիրուսն ամբողջ աշխարհի համար»,- եզրափակեց Բաբայանը։

Աղբյուր` Փաստինֆո